សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ ៖ គ្រាប់បែកសល់ពីសម័យសង្គ្រាម ត្រូវបានពលរដ្ឋជីកដីប្រទះឃើញ ហើយរាយការណ៍ទៅមន្ត្រីជំនាញស៊ីម៉ាក ចុះមកពិនិត្យដោះយកចេញដោយសុវត្ថិភាព មិនបង្កឲ្យគ្រោះថ្នាក់អ្វីឡើយ ។
ប្រភពបានរាយការណ៍ថា គ្រាប់បែកធុន ១១៧ មានទម្ងន់ជាង៣០០គីឡូក្រាម ត្រូវបានមន្ត្រីស៊ីម៉ាក់យកចេញដោយសុវត្ថិភាព កាលពីថ្ងៃទី១២ កុម្ភៈ នៅភូមិអង្គខ្ជាយ ឃុំព្រៃវិហារ ស្រុកគងពិសី ខេត្តកំពង់ស្ពឺ ដែលគ្រាប់បែកនេះ ត្រូវជំនាញស៊ីម៉ាក អះអាងថា ជាគ្រាប់បែក ដែលអាមេរិកទម្លាក់ពីលើយន្តហោះ ក្នុងសម័យសង្គ្រាមរបបលន់ នល់ ។
ប្រភពបន្តថា គ្រាប់បែក ធុន ១១៧ មានទម្ងន់ជាង៣០០គីឡូក្រាមនេះ ត្រូវបានអ្នកស្រុកជីកដីប្រទះឃើញ ហើយរាយការណ៍មកស៊ីម៉ាក់ ចុះទៅពិនិត្យថ្ងៃទី១១ ខែកុម្ភៈ ឆ្នាំ២០១៩ ។
បន្ទាប់ពីសិក្សាផ្នែកបច្ចេកទេសរួចមក ជំនាញស៊ីម៉ាក់ ក៏ចាប់ផ្តើមដោះ និងនាំចេញដោយសុវត្ថិភាព ។
ពលរដ្ឋខ្លះលើកជាទស្សនៈថា គួរតែឱ្យអាមេរិកមកដោះ និងនាំយកទៅវិញ ព្រោះអាមេរិកជាម្ចាស់នៃគ្រាប់បែកមហាវិនាកកម្មនេះ ។
មិនដឹងថា តើក្នុងដីខ្មែរនៅសល់គ្រាប់ធុននេះប៉ុន្មានទៀតនៅឡើយទេ ព្រោះការទម្លាក់ពីលើយន្តហោះចម្បាំងសម័យសង្គ្រាមអាមេរិកមានជាង២លាន៨សែនតោន ក្នុងដីកម្ពុជា ៕ សេនាស័ក្តិ
