សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ប្រជាពលរដ្ឋប្រមាណ ជាង១០គ្រួសារបានខឹង សម្បារ និងម្ចាស់ទីតាំងផ្ទះ ល្វែងចំការកសិកម្ម ដែលបានធ្វើរបងថ្មឥដ្ឋ ក្រហមលើប្រឡាយលូ របស់ពួកគាត់ ដែលអាជ្ញាធរអះអាងថាថ្ងៃក្រោយ នឹងធ្វើជាផ្លូវសម្រាប់អ្នក ភូមិដើរ ចេញ ចូល បាន ហើយប្រឡាយលូមួយនេះ វាមានសារសំខាន់ក្នុង ការបង្ហូរទឹកឆ្ពោះទៅផ្លូវ ៣៧១ ។
ដោយឡែកស្រាប់ តែពួកគាត់ឃើញទីតាំងផ្ទះល្វែងមួយនេះ ធ្វើរបង និងសាងសង់ផ្ទះបិទ តែម្តង ទើបពលរដ្ឋទាំងនោះ នាំគ្នាផ្តិតមេដៃដាក់ជូនអាជ្ញាធរសង្កាត់ដង្កោ ជួយដោះស្រាយ ហើយបើកផ្លូវនេះ ឡើងវិញ ។
ជួបជាមួយលោកស្រី សឿង សិរី នៅព្រឹកថ្ងៃទី២៥ កុម្ភៈ នេះ លោកស្រីចៅសង្កាត់ ដង្កោបានបញ្ជាក់ឲ្យដឹងថា តាមពិតទៅម្ចាស់ ទីតាំងផ្ទះល្វែងនេះ បានស្នើសុំធ្វើឃ្លាំង គ្រាន់ដាក់សម្ភារទេ។ តែដោយពិនិត្យឃើញ ទៅ នឹងដោយទទួលពាក្យ បណ្តឹងរបស់បងប្អូនពល រដ្ឋ អាជ្ញាធរក៏បានចុះទៅ ពិនិត្យភា្លម ឃើញថាម្ចាស់ទីតាំង ផ្ទះល្វែងនេះបាន សាងសង់ឃ្លាំងលើប្រឡាយលូមែន ហើយលោកស្រីក៏ធ្វើកិច្ច សន្យា និងវាយកម្ទេចចោល ហើយដែរកាលពីម្សិល មិញនេះ ។
ដោយឡែកលោក នុត ពុធដារ៉ា ជំនួយការសម្តេច តេជោ ហ៊ុន សែន នាយករដ្ឋមន្ត្រីកម្ពុជា និងជាអភិបាល នៃគណៈអភិបាលខណ្ឌ ដង្កោ ក៏បានបញ្ជាក់បន្ថែម តាមទូរស័ព្ទថា លោកបានបញ្ជាឲ្យមន្ត្រី របស់លោកចុះពិនិត្យមើល។ បន្ទាប់លោកថា ពិតជាបានសាងសង់លើប្រឡាយលូអ្នកភូមិមែន។ លោកថា លោកបានបញ្ជាឲ្យវា យកម្ទេចចោលវិញទាំងរបង និងផ្ទះ ដើម្បីផ្លូវឲ្យអ្នកភូមិវិញ។
ដោយទទួលបានការ យកចិត្តទុកដាក់ពីសំណាក់អាជ្ញាធរ ក្នុងការអន្តរាគមន៍ រហ័សធ្វើឲ្យប្រជាពលរដ្ឋ ក្នុងភូមិខ្វា សង្កាត់ដង្កោ បានសាទរនិងថ្លែង អំណរគុណដល់លោក នុត ពុធដារ៉ា អភិបាលខណ្ឌដង្កោ ។ លោកស្រីម្នាក់ ជាអ្នកភូមិបានប្រាប់ថា ពួកគាត់សូមអរគុណដល់អាជ្ញាធរដែលបានយក ចិត្តទុកដាក់ក្នុងបញ្ហា នេះដល់ពួកគាត់។ អ្នកភូមិនិយាយថា សព្វថ្ងៃផ្លូវចូលផ្ទះពួកគាត់ក្នុងភូមិតូចចង្អៀតជិះបានតែម៉ូតូ។ តែបារម្មណ៍ថ្ងៃក្រោយប្រសិនបើកើតមានករណីអគ្គិភ័យជាយថាហេតុ មិនដឹងថាឡានទឹកចូលផ្លូវណាទេ ហើយពេលនេះអាជ្ញាធរជួយអន្តរាគមន៍បើកផ្លូវនេះ គឺសមល្មមហើយសំរាប់អ្នកភូមិ៕ តាឡឹម
