សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តម៉ាកកូរ៉ូឡាមួយគ្រឿងសង្ស័យម្ចាស់ស្រវឹង បើកក្នុងល្បឿនលឿន ជ្រុលទៅបុកក្បាលនាគពុះចែកទ្រូងផ្លូវ បណ្តាលឲ្យរងការខូចខាតផ្ទុះពោងសុវត្ថិភាព ។
ហេតុការណ៍នេះ បានកើតឡើងកាលពីវេលាម៉ោងរំលងអធ្រាត្រ ឈានចូលថ្ងៃទី២៧ ខែកុម្ភៈ ឆ្នាំ២០១៩ នៅចំណុចស្តុបកងរាជអាវុធហត្ថ តាមបណ្តោយផ្លូវលេខ២៨៩ ស្ថិតក្នុងសង្កាត់បឹងកក់ទី១ ខណ្ឌទួលគោក។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញរថយន្តម៉ាកកូរ៉ូឡា ពណ៌ស ពាក់ស្លាកលេខ ភ្នំពេញ2E 2255 ធ្វើដំណើរតាមបណ្តោយផ្លូវលេខ២៨៩ ក្នុងទិសដៅពីជើងទៅត្បូង ក្នុងល្បឿនសង្ស័យស្រវឹងបើកជ្រុលទីបុកក្បាលនាគពុះចែកទ្រូងផ្លូវ ពេញទំហឹងបណ្តាលឲ្យរថយន្តផ្ទុះពោងគៀបជាប់និងក្បាលនាគទៅមុខលែងរួច តែមិនរបួសដល់មនុស្សទេ ។
ក្រោយពលកើតហេតុ ម្ចាស់រថយន្តបានគេចខ្លួនបាត់បន្សល់រថយន្ត នៅកន្លែងកើតហេតុត្រូវបានសមត្ថកិច្ចមូលដ្ឋានទាក់ទង ទៅជំនាញស្ទូចរថយន្តទៅរក្សាទុកនៅការិយាល័យចរាចរណ៍ជើងគោករាជធានីរង់ចាំដោះស្រាយតាមច្បាប់ ៕ សុខាសែនជ័យ
