សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ មានករណីគ្រោះថ្នាក់ចរាចរណ៍មួយបានបង្កការភ្ញាក់ផ្អើលនៅតាមបណ្ដោយផ្លូវជាតិលេខ៥ ត្រង់ចំណុចមុខខារ៉ាអូខេដាយមិន សោន ក្នុងសង្កាត់ស្វាយប៉ាក ខណ្ឌឬស្សីកែវ កាលពីយប់រំលងអធ្រាត្រចូលថ្ងៃទី៦ ខែមីនា ឆ្នាំ២០១៩ ។
ជនរងគ្រោះ(សព)មានឈ្មោះ នឹម សុផល ភេទប្រុស អាយុ៤៨ឆ្នាំ ស្នាក់នៅក្នុងផ្ទះជួលម្ដុំផ្សារព្រែកព្នៅ ក្នុងសង្កាត់ព្រែកព្នៅ ខណ្ឌព្រែកព្នៅ ។ជនរងគ្រោះជិះម៉ូតូម៉ាកZoommer x ពណ៌ស លាយខ្មៅ ពាក់ស្លាកលេខភ្នំពេញ1FW-4915 ។
រថយន្ដ២គ្រឿងដែលមិនស្គាល់ម៉ាកបានធ្វើដំណើរស្របទិសគ្នាក្នុងល្បឿនលឿនព្រមទាំងបានកៀរបុរសរងគ្រោះកំពុងជិះម៉ូតូបណ្ដាលឲ្យដួលនិងកិនអូសជិត១០ម៉ែត្របណ្ដាលឲ្យម្ចាស់ម៉ូតូស្លាប់ភ្លាមៗ ឯរថយន្តទាំងពីរគ្រឿងបានបើករត់គេចខ្លួនបាត់ស្រមោលតែម្តង៕ធឿនព្រែកជ័យ
