សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ ព័ត៌មានប្រចាំថ្ងៃរបស់ស្នងការដ្ឋាន នគរបាល ខេត្តព្រះសីហនុ បានឲ្យដឹងថាៈ នៅ វេលាម៉ោង២២:៣០ ថ្ងៃទី៧ ខែមីនា ឆ្នាំ២០១៩ កន្លងទៅនេះ កម្លាំងជំនាញនៃ អធិការ ដ្ឋាននគរបាលស្រុកព្រៃនប់ បានចុះបង្ក្រាបបទល្មើស គ្រឿងញៀនមួយករណី នៅចំណុចស្ពានព្រែកសង្កែ ក្នុងភូមិព្រែកសង្កែ ឃុំទឹកថ្លា ស្រុកព្រៃនប់ ខេត្តព្រះសីហនុ ។
ដោយឃាត់ខ្លួនជនសង្ស័យបានចំនួន១នាក់ ឈ្មោះ ម៉ាត់ យ៉ាន ភេទប្រុសអាយុ ២៦ឆ្នាំ មានលំនៅដ្ឋាន ភូមិព្រែកសង្កែ ឃុំទឹកថ្លា ស្រុកព្រៃនប់ មុខរបរជាងទូក ។ ចាប់យកបានវត្ថុតាងរួមមានៈ ម្សៅក្រាមសថ្លា សង្ស័យសារធាតុញៀន ចំនួន២កញ្ចប់ ។
ករណីនេះ សមត្ថកិច្ចជំនាញ បាន កសាងសំណុំរឿងតាមនីតិវិធីបញ្ជូនទៅសាលាដំបូង ៕ ឆ្លាម សមុទ្រ
