តារាល្បីៗលេចមុខថ្ងៃសម្ពោធហាងស៊ុបក្អម

ភ្នំពេញ៖ តារាសម្តែង ប្រុស ស្រី ល្បីឈ្មោះជាច្រើនរូប បានបង្ហាញវត្តមានក្នុងកម្មវិធី ប្រកាសសម្ពោធជាផ្លូវការហាង ស៊ុបក្អម ដែលស្ថិតនៅផ្លូវ៧១ខាងត្បូងវិទ្យាល័យបឹងកេងកង ខណ្ឌចំការមន ។

កម្មវិធីនេះ ត្រូវបានធ្វើឡើង ចំថ្ងៃទិវាសិទ្ធិនារី អន្តរជាតិ ៨ មីនា កាលពីរាត្រីថ្ងៃទី៨ ខែមីនា ឆ្នាំ២០១៩ ។

តារា ប្រុស ស្រីល្បីឈ្មោះ ដែលបាន ចូលរួមអបអរថៅកែហាងវ័យក្មេងស្រស់សង្ហារ ទាំងនោះមានដូចជា កញ្ញា ម៉ានីកា កញ្ញា ប៊ូ ច័ន្ទដាណែត កញ្ញា ម៉ានីតា លោក ព្រហ្ម ប្រសិទ្ធី លោក ម៉ឺន ឯកសុភារិទ្ធិជាដើម។

លោក ម៉ា តារាវុធ ថៅកែហាងវ័យក្មេង បានបញ្ជាក់ថា លោកពិតជាសប្បាយរីករាយ ដែលបានប្រកាសបើកដំណើរ ការហាងមួយនេះ ជាផ្លូវការក្រោម ការសាទរពីសំណាក់សាច់ញាតិ មិត្តភក្កិ និងក្រុមសិល្បករដែលបានផ្តល់ កិត្តិយសសម្រាប់រូបលោក ។

លោកបញ្ជាក់ថា នេះគឺជាសាខាហាងទី២ហើយ បន្ទាប់ពីលោកបើកដំណើរការ អាហារបែបស៊ុប សាច់អាំង និងគ្រឿងក្លែមយីហោដូចគ្នា នេះនៅលើទឹកដីនៃក្រុង ប៉ោយប៉ែត ដែលជាអាហារល្បីឈ្មោះ រសជាតិឆ្ងាញ់នៅប្រទេសថៃ ។

លោកបញ្ជាក់ថា ក្រោយការប្រកាសបើកដំណើរ ការជាផ្លូវការនៅថ្ងៃនេះដែរ ហាងថ្មីនេះនឹងបើកបម្រើការ លក់អាហារថ្ងៃត្រង់បន្ថែមទៀត ។ លោកបញ្ជាក់ដែរថា ហាងថ្មីនេះ លោកបានបើកដំណើរការ ជាងមួយខែកន្លងមកហើយ ហើយទើបតែថ្ងៃនេះគឺជាថ្ងៃទិវា សិទ្ធិនារីអន្តរជាតិ ទើបលោកសម្រេចចិត្ត ជ្រើសរើសប្រកាសបើកដំណើរ ការជាផ្លូវការតែម្តង ។

លោកក៏មានគម្រោងពង្រីក សាខាថ្មីៗបន្ថែមទៀតនៅរាជ ធានីភ្នំពេញ និងខេត្តធំៗមួយចំនួន ផងដែរដែលលោករំពឹងថានឹង ទទួលបានជោគជ័យសម្រាប់ ជំនួញថ្មីមួយនេះ ។

ជាមួយគ្នានេះលោក ក៏ថ្លែងអំណរគុណសម្រាប់ ការគាំទ្រ និងស្រឡាញ់រាប់អានពីអតិថិជន និងសិល្បករដែលបានជួយមក គាំទ្រ នៅថ្ងៃនេះផងដែរ ៕ វឌ្ឍនា