សារព័ត៌មាន នគរវត្ត តែងតែនាំមុខគេជានិច្ច
ខេត្តត្បូងឃ្មុំ៖ កម្លាំងជំនាញអធិការដ្ឋាននគរបាលស្រុកត្បូងឃ្មុំសហការជាមួុយកម្លាំងជំនាញ នៃ ស្នងការនគរបាលខេត្តត្បូងឃ្មុំ ដោយមានការ សម្របសម្រួលពីលោក ប៉ុក តារា ព្រះរាជអាជ្ញារងអមសាលាដំបូងខេត្តត្បូងឃ្មុំ បានចុះទៅកន្លែងកើតហេតុ ធ្វើការស្រាវជ្រាវពិនិត្យនិងឈានដល់ឃាត់ខ្លួុនមនុស្សចំនួន០២នាក់ ជាជនជាតិថៃ ពាក់ព័ន្ធនឹងខួងរណ្ដៅថ្មនិងបំផ្ទុះធ្វេីអោយ ដុំថ្មផ្លោងចំក្បាលមនុស្សស្លាប់ ។
ជនសង្ស័យជាជនជាតិថៃ០២នាក់ ត្រូវបាននគរ បាលឃាត់ខ្លួន ក្រោយពីមានករណីបំផ្ទុះថ្មបណ្ដាលឲ្យស្លាប់មនុស្ស០១នាក់ នៅត្រង់ចំណុចការដ្ឋានម៉ាសុីនកិនថ្មសំភារ:សំណង់ របស់ក្រុមហ៊ុន ឆៃណារ៉ូតអ៊ែនប៊្រីតខុមប្រេសិន (ChinaRoad andBride Cita tion) ស្ថិតនៅភូមិអណ្តូងល្វេ ឃុំជប់ ស្រុកត្បូងឃ្មុំ កាលពីថ្ងៃទី១៥ ខែមិនា ឆ្នាំ២០១៩។ ការឃាត់ខ្លួនជនសង្ស័យនេះធ្វើឡើងនៅថ្ងៃទី១៦ ខែមិនា ឆ្នាំ២០១៩ ។
នគរបាលអោយដឹងថា ការចុះឃាត់ខ្លួនជនទាំង ពីរនាក់នេះធ្វេីឡេីងដោយមានការសម្រប សម្រួលពីលោក ប៉ុក តារា ព្រះរាជអាជ្ញារងអមសាលាដំបូងខេត្តត្បូងឃ្មុំ។
ជនសង្ស័យ១.ឈ្មោះព្រីរ៉ាត់ម៉ាថាវ៉ុន (PRIRA TMA THAWORN )ប្រធានបច្ចេកទេសបំផ្ទុះ ២.ឈ្មោះកេតសេនី ប៊នម៉ា (KETSENIBUNMA ប្រធាន បច្ចេកទេសខួងរណ្ដៅបំផ្ទុះ។
បច្ចុប្បន្នជនបង្កបញ្ជូនមកអធិការដ្ឋាននគរបាលស្រុកត្បូងឃ្មុំ ដើម្បីកសាងសំណុំរឿងបញ្ជូនទៅអយ្យការអមសាលាដំបូងខេត្តត្បូងឃ្មុំចាត់តាមនីតិវិធី ៕ វណ្ណៈ
