នគរបាលប៉ុស្តិ៍រដ្ឋបាលអូរបែកក្អម ឃាត់ខ្លួនជនសង្ស័យ២នាក់ ករណីវាយគ្នាទៅវិញទៅមក

ភ្នំពេញ៖ ជនសង្ស័យ២នាក់ ត្រូវនគរបាលប៉ុស្តិ៍អូរបែកក្អម ឃាត់ខ្លួនក្រោយពីពួកគេទាំង២នាក់ ប្រើអំពើហិង្សាវាយគ្នាទៅវិញទៅមក កាលពីថ្ងៃទី១៦ មីនា ឆ្នាំ២០១៩ វេលាម៉ោង ១៣ និង២០នាទី នៅចំណុចមុខហាង១៦ ខែ៨ ផ្លូវណតប្រ៊ីត ភូមិស្លែងរលើង សង្កាត់អូរបែក្អម ខណ្ឌសែនសុខ រាជធានីភ្នំពេញ ។

សមត្ថកិច្ចបានឲ្យគាគីទី១ ឈ្មោះ WANG kANG ភេទប្រុស អាយុ៤០ឆ្នាំ ជនជាតិចិន មុខរបរថៅកែហាង១៦ ខែ៨ ស្នាក់នៅផ្ទះជួល ភូមិទ្រុងមាន់ សង្កាត់អូរបែកក្អម ខណ្ឌសែនសុខ (គ្មានសារធាតុញៀន) កាន់លិខិតឆ្លងដែនលេខ.. (មានស្នាមរបួសស្រាលលើដៃខាងស្តាំ ) ។ ចំណែកភាគីទី២ ឈ្មោះ អែម ទី ភេទប្រុស អាយុ២២ឆ្នាំ ជានជាតិខ្មែរ មុខរបរកម្មកររោងចក្រ ស្នាក់នៅបន្ទប់ជួល ផ្លូវបេតុង ភូមិស្លែងរលើង សង្កាត់អូរបែកក្អម ខណ្ឌសែនសុខ (គ្មានសារធាតុញៀន) រាជធានីភ្នំពេញ (មានស្នាមរបួសស្រាលលើស្មាខាងឆ្វេង) ។

មន្ត្រីនគរបាលប៉ុស្តិ៍អូរបែកក្អមបានឲ្យដឹងថានៅមុនពេលកើតហេតុ ភាគីទី១(ថៅកែជនជាតិចិន) កំពុងអង្គុយក្នុងហាងលក់ដូររបស់ខ្លួននៅចំណុចកើតហេតុខាងលើ ស្រាប់តែភាគីទី២ បានឈ្លោះគ្នាជាមួយប្រពន្ឌខ្លួន នៅមុខហាងពេលនោះភាគីទី១ជាម្ចាស់ហាងបានចេញមកដេញភាគីទី២តែភាគទី២មិនព្រមចេញធ្វើឲ្យ ភាគីទី១ខឹង បានស្ទុះមកធាក់ភាគីទី២ ចំនួន០២ជើង ត្រូវចំចង្កេះខាងស្តាំ រួចភាគីទាំង២ ក៏បានប្រតាយប្របគ្នាទៅវិញទៅមកធ្វើឲ្យភាគីទាំង២រងរបួសស្រាលដូចគ្នា បន្ទាប់មកសមត្ថកិច្ចក៏បានចុះដល់ចំណុចកើតហេតុ នាំខ្លួនភាគី ទាំង២ យកមកសាសួរនៅអធិការដ្ឋាននគរបាលខណ្ឌសែនសុខ ។

បច្ចុប្បន្ន ជនសង្ស័យទាំងនាក់កំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធី ៕ តុង សីហា