សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ និងរួមដំណើរជាមួយប្រពន្ធបើករថយន្តឡិចស៊ីស RX 330ក្នុងល្បឿនមិនប្រយ័ត្ន ជ្រុលបុករះផ្ទះប្រជាពលរដ្ឋលក់ដូរបណ្តាលឲ្យរងរបួសក្មេងស្រីអាយុ៣ឆ្នាំម្នាក់ និងរងការខូចខាតសម្ភារមួយចំនួន ។
ហេតុការណ៍នេះ បានកើតឡើងកាលពីវេលាម៉ោង៧ និង៣០នាទីយប់ ថ្ងៃទី២ ខែមេសា ឆ្នាំ២០១៩ នៅចំណុចផ្ទះលក់បាយ និងភេសជ្ជៈ យីហោ សុខគា មួយហេង តាមបណ្តោយផ្លូវលេខ៥៩៨ ស្ថិតក្នុងសង្កាត់ទួលសង្កែទី២ ខណ្ឌឫស្សីកែវ ។
តាមសាក្សីបានឲ្យដឹងថា មុនពេលកើតហេតុជនរងគ្រោះជាច្រើននាក់ ដែលកំពុងអង្គុយលេងក្នុងផ្ទះ ស្រាប់តែភ្លាមនោះ មានរថយន្តឡិចស៊ីសRX 330 ពណ៌ទឹកប្រាក់ ពាក់ស្លាកលេខភ្នំពេញ 2AR 2667 បើកបរដោយបុរសម្នាក់ និងមានប្រពន្ធរួមដំណើរជាមួយធ្វើដំណើរតាមបណ្តោយផ្លូវ៥៩៨ ក្នុងទិសដៅពីកើតទៅលិចក្នុងល្បឿនលឿន ក៏រេចង្កូតទៅបុករះចូលក្នុងផ្ទះបណ្តាលឲ្យក្មេងស្រីអាយុ៣ឆ្នាំម្នាក់ រងរបួសធ្ងន់ ចំណែកសម្ភារលក់ដូររងការខូចខាតជាច្រើនផងដែរ ភ្លាមនោះតៃកុងរថយន្តត្រូវបានប្រជាពលរដ្ឋចាប់បាន និងប្រគល់ជូនសមត្ថកិច្ច ។
បើតាមម្ចាស់រថយន្តបានប្រាប់សមត្ថកិច្ចថា រួបគាត់ងងុយដេកមួយភាំងដោយមិនបានប្រុងប្រយ័ត្ន ទើបបង្កគ្រោះថ្នាក់បែបនេះ ។
ក្រោយកើតហេតុសមត្ថកិច្ចមូលដ្ឋានបានទំនាក់ទំនងទៅជំនាញមកវាស់វែងយករថយន្តបង្ករួមទាំងម្ចាស់ទៅការិយាល័យចរាចរណ៍ជើងគោករាជធានីភ្នំពេញរង់ចាំដោះស្រាយតាមច្បាប់ ៕ សុខាសែនជ័យ
