សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅមន្ទីរពេទ្យព្រះកេតុមាលា នាថ្ងៃព្រហស្បតិ៍ ១៥ រោច ខែ ផល្គុន ឆ្នាំច សំរឹទិ្ធស័ក ព.ស ២៥៦២ត្រូវនឹងថ្ងៃទី៤ ខែមេសា ឆ្នាំ២០១៩ មានរៀបចំពិធីសំណេះសំណាល សាកសួរសុខទុក្ខ បុគ្គលិក យោធិន-ជំងឺ ក្រោមអធិបតីភាព នាយឧត្តមសេនីយ៍ ម៉ឹង សំផន រដ្ឋលេខាធិការ ក្រសួងការពារជាតិ ព្រម ទាំងវត្តមាន នាយទាហាន មកពីស្ថាប័នចំណុះ ក្រសួងការពារជាតិជាច្រើនរូបទៀតអព្ជើាញចូលរួម ។
លោកឧត្តមសេនីយ៍ឯក វេជ្ជបណ្ឌិត លី សុវណ្ណ អគ្គនាយក រង អគ្គនាយកដ្ឋាន ភស្តុភារ-ហិរញ្ញវត្ឋុ ក្រសួងការពារជាតិ និង ជានាយកមន្ទីរពេទ្យព្រះកេតុមាលា លើកឡើងពីការវិវឌ្ឍថ្មីៗថែមទៀតរបស់មន្ទីរពេទ្យ បង្ហាញនូវការប្រឹងប្រែងរួមរបស់ថ្នាក់ ដឹកនាំក៏ដូច ជាបុគ្គលិក គ្រូពេទ្យ ក្រោមការជួយឧបត្តម្ភគាំទ្រ ពីបរទេសពិសេស មិត្តចិននិងវៀតណាម បច្ចុប្បន្នមានការប្រែប្រួលគួរជាទីមោទនៈ ។ ក្នុងនោះទទួលពិនិត្យ-ព្យាបាលជំងឺ រហ័សទាន់ពេលវេលា ដែលមានគ្រូពេទ្យជំនាញៗទទួលការរៀនសូត្របំប៉នជំនាញបន្ថែមពីបរទេស ក្នុងស្រុក លើជំនាញឯកទេស និងភាពបិុនប្រសព្វ រួសរាយ រាក់ទាក់របស់ ក្រុមគ្រូពេទ្យរបស់កងយោធពលខេមរភូមិន្ទ ។
ក្នុងត្រីមាសទី១ ឆ្នាំ ២០១៩ នេះទទួលពិនិត្យពិគ្រោះ ជំងឺគ្រប់គ្រប់ប្រភេទ ចំននួន ៤០៣៦នាក់ ជំងឺសម្រាកព្យាបាល ១៧១ ៤ នាក់ ពិនិត្យសុខភាពជូនកងទ័ពចំនួន ១៣៤៦ នាក់ ។ មកដល់បច្ចុប្បន្ន មន្ទីរពេទ្យយើងខ្ញុំក្លាយជាសេវាសាធារណៈក្នុងការព្យាបាលជំងឺ-ជូនកងទ័ព និងប្រជាពលរដ្ឋ ប្រកបដោយស្មា រតីទទួលខុសត្រូវខ្ពស់ទៅតាមជំនាញវិជ្ជាជីវះ របស់ក្រុមគ្រូពេ ទ្យនិងអនុវត្តតាមទិសស្លោកមួយឃ្លាពោលថា” គ្រូពេទ្យជាមាតា ដ៏ស្លូតបូតរបស់អ្នកជំងឺ ” ។
នាយឧត្តមសេនីយ៍ ម៉ឹង សំផន ពាំនាំប្រសាសន៍ផ្តាំផ្ញើសាកសួរសុខទុក្ខ ពីសំណាក់សម្តេចអគ្គមហាសេនាបតីតេជោ តេជោ ហ៊ុន សែន នាយករដ្ឋមន្ត្រី ព្រះរាជាណាចក្រកម្ពុជានិង សម្តេចគតិ្តព្រឹទ្ធបណ្ឌិត សម្តេចពិជ័យសេនាទៀ បាញ់ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ជូនចំពោះ បុគ្គលិកពេទ្យ យោធិនរបួស-ជំងឺ និងប្រជាពលរដ្ឋ ទទួលការពិនិត្យ -ព្យាបាល ឆាប់ជាសះស្បើយវិល ត្រឡប់ទៅកាន់កងឯកភាព លំនៅដ្ឋានវិញ ជួបជុំផៅសន្តាន ទទួលទេវតាឆ្នាំថ្មី ក្នុងរយះពេល១០ ថ្ងៃ ខាងមុខនេះ ។
នាយឧត្តមសេនីយ៍ ក្រើនរំឮកដល់បុគ្គលិក អ្នកជំងឺទាំងអស់ ត្រូររក្សាសុខភាព ជៀសវាងឱយឆ្ងាយពីការសេពគ្រឿងញៀន គ្រឿងស្រវឹង ដែលប៉ះពាល់សុខភាព ខូចប្រយោ ជន៍ ខាតបង់ពេលវេលា នាំឱយគ្រួសារផៅសន្តាន សោកសង្រេងដោយការប្រព្រឹត្តរបស់បុគ្គលយើង ។
បន្ទាប់មកគណៈអធិបតី ក៏បានអញ្ជើញចែកអំណោយជូនយោ ធិន-ជំងឺ ៣៥០នាក់ ម្នាក់ៗឃីតមួយកព្ចាប់់ថវិកា ២ម៉ឺនរៀលនិងទស្សនាអគារ ៧ មករាមិត្តភាពកម្ពុជា-វៀតណាមសាងសង់ថ្មីដែលនឹងសម្ពោធនាពេលខាងមុខនេះផងដែរ ៕ សុខដុម
