សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ស្ត្រីចំណាស់ម្នាក់ ខណៈដែលមានសតិវិលវល់ មិនប្រក្រតី ហេតុតែបាត់បង់ការចងចាំ ដើររើសដុំថ្ម គប់រថយន្ត ម៉ូតូអ្នកដំណើរតាមផ្លូវ ត្រូវបានសមត្ថកិច្ច ចុះទៅចាប់ឃាត់ ចៀសវាង បញ្ហាកើតឡើងធ្ងន់ធ្ងរ ទោះជាគ្មានពលរដ្ឋ អ្នកដំណើរ ខឹងសម្បារជាមួយក៏ដោយ តែបង្កឲ្យផលខូចខាតទ្រព្យសម្បត្តិអ្នកដទៃ មានតែឃាត់រង់ចាំប្រគល់ឲ្យទៅមន្ទីរសង្គមគមកិច្ច កាលពីវេលាម៉ោង៩និង១៥នាទីព្រឹក ថ្ងៃទី១៨ ខែមេសា ឆ្នាំ២០១៩ ស្ថិតនៅតាមផ្លូវណតប្រីដ ភូមិចុងថ្នល់កើត សង្កាត់ទឹកថ្លា ខណ្ឌសែនសុខ រាជធានីភ្នំពេញ ។
ស្ត្រីវិកលចរឹក មានអាយុប្រហែលជាង៤០ឆ្នាំ រកសាច់ញាតិមិនឃើញ ពលរដ្ឋឃើញហេតុការណ៍អាសូរគ្រប់គ្នា បែរជាដើររើសដុំថ្ម ដេញគប់រថយន្ត ម៉ូតូ អ្នកដំណើរតាមផ្លូវ ប៉ះពាល់ និងរងខូចខាតទ្រព្យសម្បត្តិអ្នកដទៃ រាយការណ៍ប្រាប់សមត្ថកិច្ច ឃាត់នាំយកទៅសំចតជាបណ្តោះអាសន្ននៅប៉ុស្តិ៍ ។
តាមសមត្ថកិច្ចបានឲ្យដឹងថា រកសាច់ញាតិ ស្ត្រីខាងលើមិនទាន់ឃើញនៅឡើយ កាលបើគាត់មានជំងឺបែបនេះទៅហើយ ចៀសវាង ប៉ះពាល់ដល់អ្នកដទៃ មានតែទំនាក់ទំនងទៅមន្ទីរសង្គមកិច្ច ទទួលយកទៅគ្រប់គ្រង ៕តុង សីហា
