សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យ ប្រុស ស្រី ០៥ទៀត ត្រូវកម្លាំងសមត្ថកិច្ចនគរបាលណ្ឌសែនសុខ បញ្ជួនទៅតុលាការ ក្នុងសំណុំរឿងជួញដូរគ្រឿងញៀន និងទទួលផលចោរកម្ម កាលពីព្រឹកថ្ងៃទី២ ខែឧសភា ឆ្នាំ២០១៩ ក្រោយពីបញ្ចប់នីតិវិធីសាកសួរ ។
មន្ត្រីជំនាញ ផ្នែកព្រហ្មទណ្ឌខណ្ឌ បានឲ្យដឹងថា ជនសង្ស័យ ប្រុស ស្រី ទាំង០៥នាក់ខាងលើគឺពាក់ព័ន្ធនឹងករណីទទួលផលចោរកម្មមាន១នាក់ ករណីជួញដូរដោយខុសច្បាប់នូវសារធាតុញៀនមាន៤នាក់ ។
សមត្ថកិច្ចបន្តថា ជនសង្ស័យទាំង០៥នាក់នេះគឺកម្លាំងបានបង្ក្រាបបានក្នុងមូលដ្ឋានកន្លងមក ហើយបានបញ្ចាប់នីតិវិធីសាកសួរ និងកសាងសំណុំរឿងបញ្ជួនបន្ត ។
យោងតាមចម្លើយជនសង្ស័យទាំង០៥នាក់ខាងលើនេះ បានសារភាពថា ពួកគេពិតជាជាប់ពាក់ព័ន្ធករណីខាងលើនេះ ពិតប្រាកដមែន ទើបសមត្ថកិច្ចបានប្រមូលវត្ថុតាង និងកសាងសំណុំរឿងបញ្ជូនទៅតុលាការ ដើម្បីចាត់ការតាមច្បាប់នៅថ្ងៃនេះតែម្តង ។
លោកវរៈសេនីយ៍ឯក ហួរ ម៉េងវ៉ាង អធិការនគបាលខណ្ឌសែនសុខ ក៏បានសំណូមពរដល់បងប្អូនប្រជាពលរដ្ឋក្នុងមូលដ្ឋានខណ្ឌសែនសុខទាំងអស់ សូមមេត្តាជួយសហការ និងផ្តល់ព័ត៌មានមកកម្លាំងសមត្ថកិច្ចផង ប្រសិនបើបងប្អូនដឹងថា មានក្មេងទំនើងប្រមូលផ្តុំគ្នាប្រើប្រាស់ ឬចែកចាយនូវសារធាតុញៀន និងបទល្មើសផ្សេងៗ ដើម្បីឲ្យកម្លាំងរបស់លោកចុះទៅបង្ក្រាប ឲ្យបានទាន់ពេលវេលាផងដែរ ៕ តុង សីហា
