សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងនគរបាលនាយកដ្ឋានប្រឆាំងបទល្មើសសេដ្ឋកិច្ច ក្រសួងមហាផ្ទៃ បានធ្វើពិធីដុតកម្ទេចចោលនៅ សត្វចង្រិត កន្តេះឡង់ ឌុកឌឿ ខុសច្បាប់ និងខូចគុណភាព ជាងមួយតោន នៅទីលានដុតសំរាម ក្នុងខណ្ឌដង្កោ កាលពីរសៀលថ្ងៃព្រហស្បតិ៍ ១៣រោច ខែចេត្រ ឆ្នាំកុរ សំរឹទ្ធិស័ក ព.ស.២៥៦៣ ត្រូវនឹងថ្ងៃទី២ ខែឧសភា ឆ្នាំ២០១៩ បន្ទាប់ពីសមត្ថកិច្ចបង្ក្រាបបាននៅរាជធានីភ្នំពេញ ។
លោកឧត្តមសេនីយ៍ឯក ចាន់ វ៉ាន់ធឿន ប្រធានយកដ្ឋានប្រឆាំងបទល្មើសសេដ្ឋកិច្ចក្រសួងមហាផ្ទៃ បានឲ្យដឹងថាចង្រិត កន្តេះឡង់ ឌុកឌឿ ខុសច្បាប់ និងខូចគុណភាព ជាងមួយតោន ត្រូវបានកម្លាំងជំនាញបង្ក្រាបនៅចំណតរថយន្តនៅសង្កាត់ទួលស្វាយព្រៃ ខណ្ឌចំការមន ។
លោកប្រធាននាយកដ្ឋានបន្តថា ការបង្ក្រាបខាងលើដោយមានសេចក្តីរាយការណ៍ពីប្រជាពលរដ្ឋថាមានចង្រិត កន្តេះឡង់ ឌុកឌឿ ខុសច្បាប់ និងខូចគុណភាព ជាងមួយតោន សង្ស័យនាំចូលតាមច្រកអន្តរជាតិប៉ោយប៉ែត ក្រោយទទួលបានព័ត៌មានភ្លាមលោកប្រធាននាយករដ្ឋានបានចាត់កម្លាំងទៅបង្ក្រាបភ្លាមៗ ។
សូមបញ្ជាក់ថា កាលពីថ្ងៃទី១ ខែឧសភា ឆ្នាំ២០១៩ កម្លាំងសមត្ថកិច្ចជំនាញនៃនាយកដ្ឋាននគរបាលប្រឆាំងបទល្មើសសេដ្ឋកិច្ចបានបង្ក្រាបករណីនាំចូលចង្រិត កន្តេះឡង់ ឌុកឌឿ ខុសច្បាប់ និងខូចគុណភាព ៕ស រស្មី
