សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ អគ្គិភ័យបានឆឆបឆេះស្ថានីយប្រេងឥន្ធនៈ លីម លុង ស្ថិតតាមណ្តោយផ្លូវវេងស្រេង ភូមិជ្រៃកោង សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ យ៉ាងសន្ធោសន្ធៅបង្កការភ្ញាក់ផ្អើលកាលពីវេលាម៉ោង ៥ និង៤០នាទីល្ងាច ថ្ងៃ អាទិត្យ ២កើត ខែពិសាខ ឆ្នាំកុរ ឯកស័ក ព.ស ២៥៦២ ត្រូវ និងថ្ងៃទី ០៥ ខែ ឧសភា ឆ្នាំ២០១៩ ។
ម្ចាស់ទីតាំងឈ្មោះ: ជ្រីក ហ៊ួយ ភេទ ស្រី អាយុ ៤០ ឆ្នាំ មុខរបរ: ម្ចាស់ស្ថានីយប្រេងឥន្ធនះ ។ ទីតាំងធ្វើឡើងអំពី ថ្មបេតុងហ្វេមដែកប្រក់ស័ង្កាសី ទំហំ ៣៥ ម៉ែត្រX ៧០ម៉ែត្រ ។
សមត្ថកិច្ចបានឲ្យដឹងថា ក្នុងគ្រោះអគ្គិភ័យនេះបណ្តាលឲ្យខូចខាត: ឆេះរោងបេតុងប្រក់ស័ង្កាសី ទំហំ ២០ម៉ែត្រ X ៣០ម៉ែត្រ អស់ទាំងស្រុង ឡានតូចចំនួន ០៥គ្រឿង, ម៉ូតូចំនួន ០៥គ្រឿង, ឡានស៊ីទែនចំនួន ០២គ្រឿង និងពុំបណ្តាលឲ្យឆេះរាលដាលដល់ផ្ទះអ្នកនៅក្បែរខាង និងប្រើប្រាស់រថយន្តការិ.អគ្គិភ័យ: ចំនួន ២៥ គ្រឿង ប្រើប្រាស់ទឹកអស់១២៥ឡាន ស្មើ និង ៥០០ ម៉ែត្រគូប ។
រថយន្តជំនួយ: រថយន្តអគ្គិភ័យ ក្រសួងមហាផ្ទៃ ចំនួន ០៣គ្រឿង ប្រើប្រាស់ទឹកអស់ ០៦ឡាន ស្មើ និង ២៤ ម៉ែត្រគូប ។
រថយន្តអគ្គិភ័យ កងរាជអាវុធហត្ថរាជធានីភ្នំពេញ ចំនួន ០៣គ្រឿង ប្រើប្រាស់ទឹកអស់ ១០ឡាន ស្មើ និង ៤០ ម៉ែត្រគូប ។
រថយន្តអគ្គិភ័យ OCIC ជ្រោយចង្វា ចំនួន ០៥គ្រឿង ប្រើប្រាស់ទឹកអស់ ១២ឡាន ស្មើ និង ៤៨ ម៉ែត្រគូប ។
រថយន្តអគ្គិភ័យ OCIC កោះពេជ្រ ចំនួន ០២គ្រឿង ប្រើប្រាស់ទឹកអស់ ០៤ឡាន ស្មើ និង ១៦ ម៉ែត្រគូប ។
រថយន្តអគ្គិភ័យ OCIC កំបូល ចំនួន០១គ្រឿង ប្រើប្រាសទឹកអស់ ០១ឡាន ស្មើ និង ០៤ ម៉ែត្រគូប ។
រថយន្តអគ្គិភ័យ អង្គភាពង៧០ ចំនួន ០៣គ្រឿង ប្រើប្រាស់ទឹកអស់ ០៦ឡាន ស្មើ និង ២៤ ម៉ែត្រគូប ។
រថយន្តអគ្គិភ័យ តំរួតបទបញ្ចា ចំនួន ០៤គ្រឿង ប្រើប្រាស់ទឹកអស់ ០៤ឡាន ស្មើ និង ១៦ ម៉ែត្រគូប ។
រថយន្តអគ្គិភ័យ ប្រលានយន្តហោះ ចំនួន ០១គ្រឿង ប្រើប្រាស់ទឹកអស់ ០១ឡាន ស្មើ និង ១២ ម៉ែត្រគូប ។
រថយន្តអគ្គិភ័យ សាលាខណ្ឌ ចំនួន ០១គ្រឿង ប្រើប្រាស់ទឹកអស់ ០១ឡាន ស្មើ និង ០៤ ម៉ែត្រគូប ។
សមត្ថកិច្ចបានបន្តថា ក្នុងប្រតិបត្តិការបង្ការគ្រោះអគ្គិភ័យខាងលើនេះអស់រយះពេលម៉ោង២១:០០នាទីយប់ ថ្ងៃ ខែ ឆ្នាំដដែលទើបគ្រប់គ្រងបានទាំងស្រុង ។ ចំណែកមូលហេតុនោះសមត្ថកិច្ចកំពុងស្រាវជ្រាវ ៕ សុខាសែនជ័យ
