សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ដើមឈើយ៉ាងធំ បានធ្លាក់បាក់មកលើផ្លូវ ដើមឈើធ្លាក់បាក់ចំពីលើម៉ូតូមួយគ្រឿងបណ្ដោលឲ្យបុរសម្នាក់រងរបួសស្រាល ខណៈភ្លៀង និងខ្យល់ កាលពីវេលាម៉ោង៣និង២០នាទីរសៀល ថ្ងៃទី៦ ខែឧសភា ឆ្នាំ២០១៩ នៅចំណុច តាមបណ្តោយផ្លូវព្រះសីហនុ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
ករណីនេះ អ្នកធ្វើដំណើរបានភ្ញាក់ផ្អើល មុនដំបូងស្មានតែមានករណីរញ្ជួយដី តែក្រោយមក ទើបហួសចិត្តមិននឹកស្មានថា ទឹកភ្លៀងមានឥទ្ធិផលរហូតបាក់ដើមឈើធំហើយបានធ្លាក់បាក់ចំពីលើម៉ូតូមួយគ្រឿង និងបណ្ដោលឲ្យបុរសម្នាក់រងរបួសស្រាល ។
ក្រោយពេលកើតហេតុ សមត្ថកិច្ចបានចុះដល់ ចំណុចកើតហេតុ ហើយបានហៅរថយន្តស្ទូចយកដើមឈើដើម្បីយកចេញ កុំឲ្យស្ទះចរាចរណ៍ផងដែរ ៕ ស រស្មី
