សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ គ្រោះថ្នាក់ចរាចរណ៍រវាង រថយន្តបុកអ្នកថ្មើរជើងឆ្លងកាត់ផ្លូវ បណ្ដាលឲ្យក្មេងប្រុសម្នាក់ស្លាប់ និងខូចរថយន្តតិចតួច ។
ហេតុការណ៍នេះ បានកើតឡើងកាលពីវេលាម៉ោង០៩ និង១០នាទីព្រឹក ថ្ងៃទី១៣ ខែឧសភា ឆ្នាំ២០១៩ នៅលើកំណាត់ផ្លូវជាតិលេខ០៦ ចន្លោះគីឡូម៉ែត្រលេខ១១១-១១២ ភូមិអង្គរនាង ឃុំទ្រៀល ស្រុកបារាយណ៍ ខេត្តកំពង់ធំ ។
សមត្ថកិច្ចបានឲ្យដឹងថា រថយន្តម៉ាកFord RANGER ពណ៌ស ស្លាកលេខភ្នំពេញ2X.4004 បើកបរពីជើងទៅត្បូង ដោយឈ្មោះ បេន.សំអុល ភេទប្រុស អាយុ៣៥ឆ្នាំ មុខរបរជាងអគ្គិសនី រស់នៅភូមិត្រពាំងស្វាយ ឃុំបល្ល័ង្ក ស្រុកបារាយណ៍ ខេត្តកំពង់ធំ ត្រូវបាននាំខ្លួនទៅអធិការដ្ឋាននគរបាលស្រុកបារាយណ៍ដើម្បីសួរបំភ្លឺ ។
អ្នកថ្មើរជើងឆ្លងកាត់ផ្លូវ ពីលិចទៅកើត ឈ្មោះ សុឹម សុខរ៉ាត់ ភេទប្រុស អាយុ០៩ ឆ្នាំ មុខរបរសិស្ស រស់នៅភូមិ ឃុំកើតហេតុខាងលើ ស្លាប់នៅកន្លែងកើតហេតុ ។
សមត្ថកិច្ចជំនាញអះអាងថា មូលហេតុ បង្កដោយអ្នកថ្មើរជើងឆ្លងកាត់ផ្លូវខ្ជីខ្ជារខ្វះការប្រុងប្រយ័ត្ន ។
ក្រោយកើតហេតុ សមត្ថកិច្ចចុះវាស់វែងធ្វើកំណត់ហេតុ នាំយករថយន្តមករក្សាទុកនៅអធិការដ្ឋាននគរបាលស្រុកបារាយណ៍រង់ចាំដោះស្រាយគ្នាតាមច្បាប់ ៕ ប៊ុនរិទ្ធី
