សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ បុរសកម្មកររោងចក្រម្នាក់បានរងរបួសខ្ទេចសាច់ឆ្អឹងខាងឆ្វេង គួរឲ្យញាក់សាច់ ខណៈដែលជិះម៉ូតូមិនប្រកាន់ស្តាំបុកជាមួយរថយន្តមិនស្គាល់ម៉ាក បើកបញ្ច្រាសគ្នាពេញទំហឹង បង្កការភ្ញាក់ផ្អើលដល់អ្នក ភូមិ ក៏ដូចជាអ្នកធ្វើដំណើរ ចោមរោមមើល និងជួយសង្គ្រោះដឹកមកកាន់មន្ទីរពេទ្យបង្អែកខេត្តស្វាយរៀង ។
ហេតុការណ៍នេះ បានកើតឡើងកាលពីថ្ងៃទី១៣ ខែឧសភា ឆ្នាំ២០១៩ វេលាម៉ោង៨យប់ លើផ្លូវជាតិលេខ០១ ចន្លោះគីឡូម៉ែត្រ១៤១ និង១៤២ ត្រង់ចំណុចក្នុង ភូមិដើមពោធិ៍ ឃុំស្វាយតាយាន ស្រុកកំពង់រោទិ៍ ខេត្តស្វាយរៀង ។
បើតាមសមត្ថកិច្ចនគរបាល ស្រុកបានឲ្យដឹងថា បុរសដែលរងរបួសមានឈ្មោះរ ស់ ចាន់ខ្នី អាយុ២៦ឆ្នាំ មុខរបរកម្មកររោងចក្រ រស់នៅ ភូមិទួលអង្គប់ ឃុំសំបួរ ស្រុកស្វាយទាប ខេខេត្តស្វាយរៀង ខណៈជិះម៉ូតូម៉ាកហុងដា សេ១២៥ ស៊េរីឆ្នាំ២០០៩ ពណ៌ខ្មៅ ពាក់ស្លាកលេខស្វាយរៀង ១B៥០៨០ ខូចខាតយ៉ាងដំណំ ។
រីឯអ្នកបើករថយន្ត មិនត្រូវបានស្គាល់ឈ្មោះ នោះទេ ក្រោយកើតហេតុ បានបើកគេចចេញភ្លាមៗទៅទិសខាងកើត ។
បើតាមសាក្សីបានឲ្យដឹងថា មុនកើតហេតុគេឃើញបុរសម្នាក់បានជិះម៉ូតូមួយគ្រឿងលើផ្លូវជាតិលេខ០១ ចន្លោះគីឡូម៉ែត្រ១៤១ និង១៤២ ពីកើតមកលិច ក្នុងល្បឿនលឿន ខណៈនោះ ស្រាប់តែបុកជាមួយរថយន្តមួយគ្រឿងមិនចាំម៉ាក ដែលបើកបញ្ច្រាសគ្នាពីលិចមកកើតយ៉ាងពេញទំហឹងលាន់ ដូចរន្ទះបង្កការភ្ញាក់ផ្អើលតែម្ដង ។
ក្រោយមកអ្នករងរបួសត្រូវបានអ្នក ភូមិ និងសមត្ថកិច្ចបញ្ចូនទៅព្យាបាលនៅមន្ទីរពេទ្យខេត្តស្វាយរៀង រីឯម៉ូតូសមត្ថកិច្ចយកមករក្សាទុកនៅអធិការដ្ឋាននគរបាល ស្រុកស្វាយទាប ៕ យឹម សុថាន
