សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យពីរនាក់ ត្រូវបានកម្លាំងសមត្ថកិច្ចខណ្ឌដង្កោ ក្របួចបានភ្លាមៗ ក្រោយពួកគេធ្វើសកមមភាពឆក់ទូរស័ព្ទដៃ ពីស្ត្រីម្នាក់បានសម្រេច កាលពីវេលាម៉ោង៣និង០០នាទី ថ្ងៃទី១៥ ខែឧសភា ឆ្នាំ ២០១៩ ទីតាំងដែលពួកគេធ្វើសកម្មភាពស្ថិតនៅតាមបណ្តោយផ្លូវជាតិលេខ៣ភូមិគោកខ្សាច់ សង្កាត់ភ្លើងឆេះរទេះ ខណ្ឌពោធិសែនជ័យ រាជធានីភ្នំពេញ ។
សមត្ថកិច្ចបានឲ្យដឹងថាជនសង្ស័យទាំងពីរនាក់ខាងលើទី១ ឈ្មោះ ហេង ណាង ភេទប្រុស អាយុ១៧ឆ្នាំ , ទី២ ឈ្មោះ ម៉ន តារា ភេទប្រុស អាយុ២៣ ឆ្នាំ អ្នកទាំងពីរស្នាក់នៅសង្កាត់ចោមចៅទី១ ខណ្ឌពោធិសែនជ័យ ចំណែកជនរងគ្រោះឈ្មោះ សុខ សុភ័ក្រ ភេទស្រី អាយុ ១៨ឆ្នាំ , ។ សមត្ថកិច្ចបន្តថាដំបូងឡើយជនសង្ស័យទាំងពីរនាក់ ជិះម៉ូតូមួយគ្រឿង ម៉ាក សេ១២៥ ពណ៌ខ្មៅ ធ្វើដំណើរ តាមបណ្តោយផ្លូវជាតិលេខ៣ទិសដៅពីត្បូងទៅជើង ខណៈដល់ចំណុចកើតហេតុ ដោយឃើញឱកាសល្អ ពួកគេក៏បានធ្វើសកម្មភាពឆក់ទូរសព្ទដៃពីស្ត្រីម្នាក់កំពុងជិះម៉ូតូបានសម្រេចហើយព្យាយាមជិះគេចខ្លួន ប៉ុន្តែពេលនោះជនរងគ្រោះបានដេញតាមហើយស្រែកថាចោរៗក៏ផ្អើលដល់សមត្ថកិច្ចខណ្ឌដង្កោកំពុងជិះម៉ូតូល្បាតឃើញក៏ដេញចាប់ រហូតដល់ជនសង្ស័យទាំងពីរនាក់ផ្តួលម៉ូតូចោលរត់ចូលវាល់ស្រែ ប៉ុន្តែទោះបីជាយ៉ាងណាកម្លាំងសមត្ថកិច្ចបានសហការជាមួយប្រជាពលរដ្ឋឡោមព័ទ្ធចាប់បានទាំងពីរនាក់យកមកកាន់ស្នាក់ការប៉ុស្តិរដ្ឋបាលពងទឹកដើម្បីសាកសួរ។
បន្ទាប់ពីសាកសួររួច សមត្ថកិច្ចខណ្ឌដង្កោបានសម្រេចប្រគល់ជនសង្ស័យទាំងពីរនាក់នេះទៅឲ្យសមត្ថកិច្ចខណ្ឌពោធិសែនជ័យ ចាត់ការទៅតាមនីតិវធី ព្រោះការកំណត់ទីតាំងដែលជនសង្ស័យធ្វើសកម្មភាពឆក់ទូរសព្ទដៃ គឺស្ថិតនៅក្នុងមូលដ្ឋានខណ្ឌពោធិសែនជ័យ ៕ សុខាសែនជ័យ
