សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តម៉ាក HILUX បើកលឿនបុករបាំងថ្មពុះចែកទ្រូងផ្លូវបាក់អស់មួយកង់ និងរងការខូចខាត២កង់ទៀត ចំណែករថយន្តរងការខូចខាតទៅមុខលែងរួច ។
ហេតុការណ៍នេះ បានកើតឡើងកាលពីវេលាម៉ោង៩ ខែឧសភា ឆ្នាំ២០១៩ នៅចំណុចខាងលិចស្តុបអាកាសយានដ្ឋានអន្តរជាតិភ្នំពេញ (ច្រកទី២) តាមមហាវិថីសហព័ន្ធរុស្ស៊ី ស្ថិតក្នុងសង្កាត់កាកាបទី២ ខណ្ឌពោធិ៍សែនជ័យ ។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញរថយន្តម៉ាក HILUX ពណ៌ទឹកប្រាក់ ពាក់ស្លាកលេខភ្នំពេញ2AA 2232 ធ្វើដំណើរតាមមហាវិថីសហព័ន្ធរុស្ស៊ីក្នុងទិសដៅពីកើតទៅលិច ខណៈមកដល់ចំណុចកើតហេតុដោយសារ មើលមិនឃើញ ព្រោះរបាំងថ្មពុំមានចំណាំងផ្លាត និងងងិតផងនោះ ក៏រេចង្កូតទៅបុកក្បាលនាគពេញទំហឹងបណ្តាលឲ្យរងការខូចខាតដួលមួយកង់ចំណែក២កង់ទៀត ប្រេះស្រាំរងការខូចខាតដោយឡែករថយន្តបែកកង់ខាងឆ្វេងទៅមុខលែងរួច ។
ក្រោយកើតហេតុសមត្ថកិច្ចមូលដ្ឋានបានចុះទៅដល់ចំណុចកើតហេតុ និងទំនាក់ទំនងទៅជំនាញមកស្ទូចយករថយន្តទៅរក្សាទុកនៅការិយាល័យចរាចរណ៍ជើងគោក រាជធានីរង់ចាំដោះស្រាយតាមច្បាប់ ៕ សុខាសែនជ័យ
