សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់រួមដំណើរ និងប្រុសស្រីបីនាក់ទៀតបើកឡិចស៊ីស 570មួយគ្រឿង ទៅបុករថយន្តកាមរីបាឡែនមួយគ្រឿងត្រង់ចំណុចផ្លូវបែកជាបួនបណ្តាលឲ្យរថយន្ត បាឡែនខ្ទាតទៅប៉ះបង្គោលស្លាកសញ្ញាប្រាប់លេខផ្លូវមួយដើម បណ្តាលឲ្យទ្រេត ចំណែករថយន្តទាំងពីរគ្រឿងខូចខាតយ៉ាងដំណំ ។
ហេតុការណ៍នេះមិនបង្កឲ្យមានអ្នករងរបួសទេ កើតឡើងកាលពីវេលាម៉ោងរំលងអធ្រាត្រ ឈានចូលថ្ងៃទី២១ ខែឧសភា ឆ្នាំ២០១៩ ស្ថិតនៅតាមបណ្តោយផ្លូវ២៥៣កែង នឹងផ្លីវ១៥៦ ចំណុចមុខប៉ុស្តិ៍នគរបាលរដ្ឋបាលទឹកល្អក់ ២ ខណ្ឌទួលគោក រាជធានីភ្នំពេញ ។
សាក្សីថា បុរសម្នាក់រួមដំណើរ និងប្រុស ស្រីបីនាក់ទៀត បើករថយន្តឡិចស៊ីស LX-570 ពណ៌ស ពាក់ស្លាកលេខ ភ្នំពេញ 2AI-7583 ធ្វើដំណើរតាមបណ្តោយផ្លូវ១៥៦ ទិសដៅពីកើតទៅលិច លុះមកដល់ផ្លូវបែកជាបួន ចំណុចកើតហេតុខាងលើ ជ្រុលទៅបុករថយន្តមួយគ្រឿងម៉ាកកាមរីបាឡែន ពណ៌ទឹកប្រាក់ ពាក់ស្លាកលេខ ភ្នំពេញ 2N-0375 បើកបរដោយបុរសម្នាក់រួមដំណើរ និងបុរសម្នាក់ទៀត តាមបណ្តោយផ្លូវ២៥៣ ទិសដៅពីជើងទៅត្បូង ចំផ្នែកខាងឆ្វេងខាងក្រោយពេញទំហឹងបណ្តាលឲ្យរថយន្តបាឡែនខ្ទៀតផ្នែកខាងក្រោយទៅប៉ះបង្គោលស្លាកសញ្ញាប្រាប់លេខផ្លូវមួយដើម បណ្តាលទ្រេតចំណែករថយន្តទាំងពីរគ្រឿងខូចខាតយ៉ាងដំណំដូចគ្នា ។
សមត្ថកិច្ចមូលដ្ឋាន ឲ្យភាគីទាំសងខាងសម្របសម្រួលគ្នាដោយភាគីខាងរថយន្តឡិចស៊ីស 570បានចេញសំណងចំនួន៨០០ដុល្លារទៅឲ្យភាគីរថយន្តបាឡែន ដើម្បីបញ្ចប់រឿងនៅកន្លែងកើតហេតុ ៕ សុខាសែនជ័យ
