សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ ត្រូវបានប្រជាពលរដ្ឋចាប់ប្រគល់ជូនសម្ថកិច្ច បន្ទាប់ពីផ្លោះរបងចូលផ្ទះគេលួចទ្រព្យសម្បត្តិ កាលពីវេលាម៉ោង៨និង៣០នាទីព្រឹក ថ្ងៃទី ២២ ខែឧសភា ឆ្នាំ២០១៩ នៅផ្ទះវីឡា លេខ១៣៣ ផ្លូវលំ ភូមិត្រពាំងថ្លឹង៣ សង្កាត់ចោមចៅទី១ ខណ្ឌពោធិ៍សែនជ័យ ។
ជនសង្ស័យមានឈ្មោះ ទ្រី ខ្មៅ អាយុ១៩ឆ្នាំ មុខរបរនិងស្នាក់នៅមិនពិត ។ ចំណែកជនរងគ្រោះឈ្មោះ ញ៉ែម មេត្រី ភេទប្រុស អាយុ៣៤ឆ្នាំ មុខរបរម៉ៅការសំណង់ ស្នាក់នៅផ្ទះវីឡា លេខ១៣៣ ភូមិត្រពាំងថ្លឹង៣ ខណ្ឌពោធិ៍សែនជ័យ ។ សម្ភារបន្សល់ទុក៖ ខ្សែកមួយខ្សែ ចិញ្ចៀន២វង់ ក្រវិល៣វង់ ។
តាមប្រភពព័ត៌មានបានឲ្យដឹងថា មុនពេលកើតហេតុជនសង្ស័យបានដើរថ្មើជើងមកដោយឃើញឱកាសល្អ ក៏លោតផ្លោះរបងចូលក្នុងផ្ទះប្រជាពលរដ្ឋលួចយកខ្សែរក ក្រវិល និងចិញ្ចៀន តែត្រូវបានម្ចាស់ផ្ទះដឹងទាន់ ក៏ដេញចាប់បានមកវិញរួចប្រគល់ឲ្យសមត្ថកិច្ចតែម្តង ។
បច្ចុប្បន្នជនសង្ស័យ ត្រូវបានប្រគល់ឲ្យផ្នែកជំនាញ នៃអធិការដ្ឋាន នគរបាលខណ្ឌ ដើម្បីសាកសួរបន្តតាមជំនាញ និង ឃុំខ្លួនជាបណ្តោះអាសន្ន ចាត់ការតាមនីតិវិធី ៕ សុខាសែនជ័យ
