សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ជិះម៉ូតូតាមដងផ្លូវដោយទុកទូរស័ព្ទនៅឃ្លប់មុខ ហើយត្រូវជនសង្ស័យជិះម៉ូតូមកឆក់យកបានសម្រេចហើយគេចខ្លួនបាត់ និងធ្វើឲ្យជនរងគ្រោះដួលម៉ូតូរងរបួសបាក់ជើងម្ខាង ។
ហេតុការណ៍នេះ បានកើតឡើងកាលពីវេលាម៉ោង១០ និង១០នាទីយប់ ថ្ងៃទី២២ ខែឧសភា ឆ្នាំ២០១៩ នៅចំណុចមុខឃ្លាំងលក់រថយន្ត 6688 តាមបណ្តោយផ្លូវ២០០៤ ស្ថិតក្នុង ភូមិត្រពាំងល្វា សង្កាត់កាកាបទី១ ខណ្ឌពោធិ៍សែនជ័យ ។
តាមជនរងគ្រោះបានឲ្យដឹងថា មុនពេលកើតហេតុរួបគាត់បានជិះម៉ូតូ ម៉ាកស្កូបពីពណ៌ស ពាក់ស្លាកលេខ ភ្នំពេញ1FW 0341 ធ្វើដំណើរតាមបណ្តោយផ្លូវលេខ ២០០៤ ក្នុងទិសដៅពីលិចទៅកើត ខណៈមកដល់ចំណុចកើតហេតុស្រាប់តែមានជនសង្ស័យម្នាក់ជិះម៉ូតូស្កូបពីមិនចាំស្លាកលេខ ធ្វើដំណើរមកពីក្រោយហើយសកម្មភាពឆក់ទូរស័ព្ទ ម៉ាកiPhone 7plus ដែលគាត់ទុកឃ្លប់ខាងមុខបានសម្រេច និងធ្វើឲ្យម៉ូតូគាត់ដួលរងរបួសបាក់ជើងខាងឆ្វេង ចំណែកជនសង្ស័យបានគេចខ្លួនបាត់ ។
ក្រោយកើតហេតុជនរងគ្រោះត្រូវបានរថយន្តសង្គ្រោះដឹកយកទៅសង្គ្រោះនៅមន្ទីរពេទ្យ រង់ចាំដាក់ពាក្យបណ្តឹងពេលក្រោយ ៕ សុខាសែនជ័យ
