សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសជនជាតិចិន បានបើករថយន្តហាយឡេនឌ័រឆ្លងផ្លូវ ដោយមិនបានបើកភ្លើងស៊ីញូ ត្រូវរថយន្តយីយ៉ាន់ដាយ បើកបុករងការខូចខាតទាំងសងខាង ។
ហេតុការណ៍នេះ បានកើតឡើងកាលពីវេលាម៉ោង១១ និង៣០នាទីយប់ ថ្ងៃទី២៩ ខែឧសភា ឆ្នាំ២០១៩ នៅតាមបណ្តោយផ្លូវ២៧១កែងផ្លូវលេខ១៩៩ ស្ថិតក្នុងសង្កាត់ទន្លេបាសាក់ ខណ្ឌចំការមន ។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេឃើញរថយន្តម៉ាកហាយឡេនឌ័រ ពណ៌ស ពាក់ស្លាកលេខ ភ្នំពេញ2AP 9804 បើកបរដោយបុរសជនជាតិចិន ធ្វើដំណើរ តាមបណ្តោយផ្លូវលេខ២៧១ ក្នុងទិសដៅពីជើងទៅត្បូង ខណៈមកដល់ចំណុចកើតហេតុ ក៏បត់ឆ្វេងឆ្លងផ្លូវ ស្រាប់តែមានរថយន្តហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ 3B7121 ធ្វើដំណើរតាមបណ្តោយផ្លូវ២៧១ ក្នុងទិសដៅពីត្បូងទៅជើង ចាប់ហ្វ្រាំងមិនទាន់ ក៏បុកចំពីចំហៀង ពេញទំហឹងបណ្តាលឲ្យរងការខូចខាតទាំងសងខាង ។
ក្រោយពេលកើតហេតុ សមត្ថកិច្ចចុះមកដល់ចំណុចកើតហេតុ សម្របសម្រួលទៅភាគីទាំងសងខាង ទើបព្រមយករថយន្តទៅជួសជុលខ្លួនឯង ៕ សុខាសែនជ័យ
