សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសពីរនាក់បងប្អូន ជិះម៉ូតូឌុបគ្នាក្នុងល្បឿនលឿន ជ្រុលបុកបង្កាន់ដៃស្ពានអាកាសស្ទឹងមានជ័យ រងរបួសធ្ងន់ម្នាក់ កាលពីវេលាម៉ោង៣ទៀបភ្លឺ ថ្ងៃទី៣០ ខែឧសភា ឆ្នាំ២០១៩ នៅចំណុចលើស្ពានអាកាសស្ទឹងមានជ័យ សង្កាត់ទំនប់ទឹក ខណ្ឌចំការមន រាជធានីភ្នំពេញ ។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញបុរសពីរនាក់បងប្អូនជិះម៉ូតូមួយគ្រឿងម៉ាក ស្កូបពី ពណ៌ស ពាក់ស្លាកលេខ ភ្នំពេញ 1AB 7044 ធ្វើដំណើរតាមបណ្តោយផ្លូវលេខ២៧១ ឡើងលើស្ពានអាកាសស្ទឹងមានជ័យ ក្នុងល្បឿនលឿន ខណៈមកដល់ចំណុចកើតហេតុ សង្ស័យស្រវឹង ទើបរេចង្កូតទៅបុកបង្កាន់ដៃស្ពាន បណ្តាលឲ្យដួលបោកក្បាលរងរបួសអ្នកឌុបធ្ងន់ ។
ក្រោយពេលកើតហេតុ រថយន្តសង្គ្រោះដឹកយកទៅសង្គ្រោះភ្លាមៗ ៕ សុខាសែនជ័យ
