សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងនគរបាល ខណ្ឌទួលគោក បានឃាត់ខ្លួនជនសង្ស័យចំនួនបីនាក់ ជិះម៉ូតូមួយគ្រឿងលាក់ទុកអាវុធ (ដាវសាំម៉ូរ៉ៃចំនួនបីដើម) ដោយខុសច្បាប់ កាលពីវេលាម៉ោងរំលងអធ្រាត្រ ឈានចូលថ្ងៃទី៣១ ខែឧសភា ឆ្នាំ២០១៩ ស្ថិតនៅចំណុចលក់គ្រឿងសមុទ្រ ត្រឡោកបែក តាមបណ្តោយផ្លូវ៥៩៨ ក្នុងសង្កាត់ទឹកល្អក់១ ខណ្ឌទួលគោក រាជធានីភ្នំពេញ ។
សមត្ថកិច្ចបានប្រាប់ឲ្យដឹងថា មុនឃាត់ខ្លួនជនសង្ស័យទាំងបីនាក់ខាងលើនេះ កម្លាំងនគរបាល ខណ្ឌទួលគោកបានល្បាតដើម្បីទប់ស្កាត់បទល្មើលផ្សេងៗ នៅក្នុង ភូមិសាស្ត្រ ក៏ប្រទះឃើញជនសង្ស័យទាំងបីនាក់ ជិះម៉ូតូមួយគ្រឿងម៉ាកហុងដាឌ្រីម សង់ ស៊េរី ២០១៣ ពណ៌ខ្មៅ ពាក់ស្លាកលេខ ភ្នំពេញ 1BP-2124 ធ្វើដំណើរទិសដៅពីត្បូងទៅជើង ដោយមានសង្ស័យកម្លាំងបានហៅឈប់តែជនសង្ស័យមិនឈប់ ខណៈនោះ កម្លាំងបានដេញមកដល់ចំណុចកើតហេតុខាងលើ បានព័ទ្ធចាប់ និងឃាត់ខ្លួនបានភ្លាមៗ និងដកហូតបានអាវុធដាវសាំម៉ូរ៉ៃចំនួនបីដើម ។
បច្ចុប្បន្នសង្ស័យទាំងបីនាក់រួមនឹងវត្ថុតាវត្រូវបានសមត្ថកិច្ច បញ្ជូនខ្លួនមកសួនាំនៅប៉ុស្តិ៍នគរបាលរដ្ឋបាលទឹកល្អក់១ ដើម្បីចាត់ការបន្ត ៕ សុខាសែនជ័យ
