សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ទំនងជាស្រវឹងស្រា បើករថយន្តទៅបុករះរទេះលក់ម្ហូប និងម៉ូតូកង់បីចំនួនពីរគ្រឿង បណ្តាលឲ្យរទេះលក់ម្ហូបក្រឡាប់ផ្ងារជើងម្ខាង និងម៉ូតូកង់បីខូចខាតយ៉ាងដំណំ តែមិនបង្កឲ្យមានអ្នករងរបួសនោះទេ ។
ហេតុការណ៍នេះ បានកើតឡើងកាលពីម៉ោង២រំលងអធ្រាត្រ ឈានចូលថ្ងៃទី១ ខែមិថុនា ឆ្នាំ២០១៩ ស្ថិតនៅតាមបណ្តោយផ្លូវលេខ៤៨៨ ខាងមុខសាខាពន្ធដារខណ្ឌចំការមន ជាប់នឹងប្រឡាយលូទឹកស្អុយ ក្នុងសង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ ។
ប្រភព័ត៌មាននៅកន្លែងកើតហេតុបានឲ្យដឹងថា មុនកើតហេតុគេឃើញបុរសម្នាក់បើករថយន្តហាយឡែនឌ័រមួយគ្រឿងពណ៌ស ពាក់ស្លាកលេខ ភ្នំពេញ 2AQ-6417 ធ្វើដំណើរតាមបណ្តោយផ្លូវលេខ៤៨៨ក្នុងទិសដៅពីលិចទៅកើត ហើយរថយន្តបានឈប់ មួយសន្ទុះក្រោយមក ក៏បានបើករថយន្តចេញយ៉ាលឿនលុះដល់ចំណុចកើតហេតុបានរេចង្កូតជ្រុកទៅបុករះរទេះលក់ម្ហូបចតលក់នៅលើចិញ្ចើមផ្លូវចំនួន១ បណ្តាលឲ្យក្រឡាប់ផ្ងារជើងម្ខាង និងខូចខាតសម្ភារលក់មួយចំនួន រួចបន្តទៅបុកម៉ូតូកង់បីឥណ្ឌាចតរង់ចាំនៅចាំដឹកម៉ូយចំនួនពីរគ្រឿងបន្ថែមទៀត បណ្តាលឲ្យមួយគ្រឿងខូចខាតស្ទើតែទាំងស្រុងចំណែក មួយគ្រឿងទៀតខូចតិចតួចចំណែករថយន្តបង្កទៅមុខលែង រួច តែមិនបង្កឲ្យមានអ្នករងរបួសនោះទេ ។
បន្ទាប់ពីកើតហេតុ សមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចរាចរចុះមក វាស់វែងយក រថយន្តបង្ក និងម៉ូតូកង់បីឥណ្ឌាទៅរក្សាទុកនៅអធិការដ្ឋាននគរបាលខណ្ឌចំការមនរង់ចាំដោះស្រាយគ្នានៅពេលក្រោយ ៕ ជ្រោយពេជ្រ
