សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងនគរបាលប្រឆាំងបទល្មើសសេដ្ឋកិច្ចរាជធានីភ្នំពេញ បានបង្រា្កបរថយន្តម៉ាកស៊ីណា មួយគ្រឿងជាក់ស្តែង ខណៈដែលកំពុងដឹកសត្វព្រៃ ស្ថិតនៅតាមបណ្តោយផ្លូវវ៉េងស្រេង បំណងឆ្ពោះទៅខេត្តតាកែវ ហើយដឹកបន្តទៅប្រទេសវៀតណាមកាលពីរសៀលថ្ងៃចន្ទ ១កើត ខែពិសាខ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី៣ ខែមិថុនា ឆ្នាំ២០១៩ ។
ឃាត់ខ្លួនអ្នកបើកបរម្នាក់ឈ្មោះ ឈាង រ៉េត ភេទប្រុស អាយុ ៥៨ឆ្នាំ មានអាស័យដ្ឋាន ឃុំត្រឡាច ស្រុកទ្រាំង ខេត្តតាកែវ ។
មន្រ្តីនគរបាលប្រឆាំងបទល្មើសសេដ្ឋកិច្ចរាជធានីភ្នំពេញ បានឲ្យដឹងថា ករណីបង្រា្កបរថយន្តដឹកសត្វព្រៃខុសច្បាប់ខាងលើនេះ ដកហូតបាន៖ សត្វត្រកួត និងអណ្តើកមានទម្ងន់ប្រហែលជាង ៦០០គីឡូក្រាម ក្នុងនោះសត្វត្រកួតមានទំងន់ ៣៥៦គីឡូក្រាម និងសត្វ អណ្តើកមានទំងន់ ២៨៦គីឡូក្រាម ; រថយន្ត Toyotasienna ឆ្នាំ២០០៥ ពណ៌ទឹកប្រាក់ ពាក់ស្លាកលេខ ភ្នំពេញ 2AQ-9751 ៕ស រស្មី
