មនុស្សប្រុសស្រី៣នាក់ រងរបួសដោយសារគ្រោះធម្មជាតិ រន្ទះបាញ់់នៅស្រុកបារាយណ៍

ខេត្តកំពង់ធំ៖ គ្រោះធម្មជាតិរន្ទះបាញ់បានបាញ់មនុស្ស៣នាក់ បណ្ដាលឲ្យរងរបួសស្រាល ហេតុការណ៍នេះ បានកើតឡើងកាលពីវេលាម៉ោង១៨ និង៣០នាទី ថ្ងៃទី ១០ ខែមិថុនា ឆ្នាំ២០១៩ ស្ថិតនៅភូមិអង្គនាង ឃុំទ្រៀល ស្រុកបារាយណ៍ ខេត្តកំពងធំ ។

សមត្ថកិច្ចបានឲ្យដឹងថា ១.ជនរងគ្រោះ ឈ្មោះ អ៊ុ ចាន់ណា ភេទប្រុស អាយុ៣០ឆ្នាំ ។ ២.ជនរងគ្រោះឈ្មោះ សូរ សុរ៉ាន់ ភេទស្រី អាយុ៥២ឆ្នាំ ។ ៣.ជនរងគ្រោះឈ្មោះ ឡុង ផល់ ភេទប្រុស អាយុ៤០ឆ្នាំ ទាំង៣នាក់រស់នៅភូមិអង្គនាង ឃុំទ្រៀល ស្រុកបារាយណ៍ខេត្តកំពងធំ ។

តាមប្រភពពីប្រជាពលរដ្ននៅក្បែរគ្នាបានឲ្យដឹងថា ពេលកើតហេតុជនរងគ្រោះទាំង៣នាក់កំពុងស្ថិតនៅក្រោមផ្ទះដូចសព្វមួយដង ស្រាប់តែមានរន្ទះបាញ់មកបណ្ដាលឲ្យពួកគាត់រងរបួសតែម្ដង ។ ជនរងគ្រោះទាំងបីនាក់ត្រូវបានប្រជាពលរដ្ន និងសមត្ថកិច្ចបញ្ជូនទៅសង្រ្គោះនៅមន្ទីរពេទ្យបារាយណ៍សន្ទុក ៕ ប៊ុនរិទ្ធី