សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ស្ត្រីម្នាក់ជិះម៉ូតូទៅទិញពងទានៅផ្សារជម្ពូវ័ន ខណៈទុកនៅខាងក្រៅដើរចូលទៅទិញមួយភ្លែត ត្រូវចោរលួចទៅបាត់ កាលពីវេលាម៉ោង៦ព្រឹក ថ្ងៃទី១១ ខែមិថុនា ឆ្នាំ២០១៩ នៅផ្សារជម្ពូវ័ន ផ្លូវជាតិលេខ៤ ភូមិជម្ពូវ័ន សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ ។
ស្ត្រីរងគ្រោះឈ្មោះ ម៉ី ឡេង អាយុ២៧ឆ្នាំ មុខរបរ លក់ដូរនៅផ្ទះ ស្នាក់នៅផ្ទះជួល ភូមិអូរដឹម សង្កាត់ចោមចៅ៣ ខណ្ឌពោធិ៍សែនជ័យ មានស្រុកកំណើត ភូមិបល័ង្គ ឃុំបាល័ង្គ ស្រុកបារាយណ៍ ខេត្តកំពង់ធំ ។ ចំណែកម៉ូតូដែលលោកចោរលួចយកទៅបាត់ ម៉ាកហុងដា សេ១២៥ ស៊េរី២០១៤ ពណ៌ខ្មៅ ពាក់ស្លាកលេខ កំពង់ធំ 1F-9781 ។
តាមស្ត្រីរងគ្រោះ បានឲ្យដឹងថា មុនកើតហេតុគាត់ បានជិះម៉ូតូ មកផ្សារដើម្បីទិញពងទា យកទៅលក់នៅឯផ្ទះជួល ដោយចតម៉ូតូទុកមុខផ្សារ ចម្ងាយប្រមាណ៥ម៉ែត្រក្រោយខ្នង រវល់តែរើសពងទា សឹងមិនបាន៥នាទីផង បានហើយ ចេញមកវិញ ក្រឡេកមើលក្រោយ ចោរលួចម៉ូតូទៅបាត់ដោយសុវត្តិភាព ទើបឆោឡោតែម្ដង ។
ក្រោយកើតហេតុ បានត្រឹម រត់ទៅប្តឹងប៉ូលិសប៉ុស្តិ៍ចោមចៅ៣ ឲ្យជួយអន្តរាគម៍ស្រាវជ្រាវ តាមចាប់ជនសង្ស័យ យកមកផ្តន្ទាទោសតាមច្បាប់ ៕ សុខាសែនជ័យ
