សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ ខ្យល់កន្រ្តាក់លាយឡំ និងផ្គររន្ទះបណ្តាលឲ្យផ្ទះប្រជាពលរដ្ឋចំនួន០៣ខ្នងរងការខូចខាត កាលពីវេលាម៉ោង១៨ និង៣០នាទី ថ្ងៃទី១០ ខែមិថុនា ឆ្នាំ២០១៩ ស្ថិតនៅភូមិរលួស សង្កាត់ស្រយ៉ូវ ក្រុងស្ទឹងសែន ខេត្តកំពងធំ ។
សមត្ថកិច្ចបានឲ្យដឹងថា ១.ម្ចាស់ផ្ទះឈ្មោះ វ៉ាន់ វៃ ភេទប្រុស អាយុ៤៥ឆ្នាំ ផ្ទះទំហំ៣ម៉ែត្រគុណនឹង៤ម៉ែត្រ ដំបូលប្រក់ស័ង្កសី ជញ្ជាំងស័ង្កសី ខូចខាត: ដើមគ ដួលសង្កត់លើ ។ ២.ម្ចាស់ផ្ទះឈ្មោះ តាប់ វ៉ាន់ ភេទប្រុស អាយុ៤៤ឆ្នាំ ផ្ទះទំហំ៣ម៉ែត្រគុណនឹង៤ម៉ែត្រ ដំបូលប្រក់ស័ង្កសី ខូចខាត: របើកដំបូលស័ង្កសីចំនួន០៤សន្លឹក ។ ៣.ម្ចាស់ផ្ទះឈ្មោះជិម សេងហ៊ាន់ ភេទប្រុស អាយុ៣៦ឆ្នាំ ផ្ទះទំហំ៦ម៉ែត្រ គុណនឹង៥ម៉ែត្រ ដំបូលប្រក់ស័ង្កសី ជញ្ជាំងស័ង្កសី ខូចខាត: របើកដំបូលចំនួន០៤សន្លឹក សំណាងល្អ មិនមានអ្នករងគ្រោះដល់អាយុជីវិតនោះទេ ។
ក្រោយកើតហេតុសមត្ថកិច្ចបានធ្វើកំណត់ បញ្ចូលរបាយការណ៍ជូនថ្នាក់លើ ៕ ប៊ុនរិទ្ធី
