សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ រថយន្តហ៊ីយ៉ាន់ដាយដឹកគ្រឿងចក្រ អាប៊ុលមួយគ្រឿង អ្នកបើកបរខ្វះការប្រុងប្រយ័ត្ន ជែងរថយន្តខាងមុខ ជ្រុលទៅបុកប៉ះពីក្រោយរថយន្តឡិចស៊ីស៥៧០ សេរី២០១៩មួយគ្រឿង រងកំពិតផ្នែកខាងក្រោយ និងបែកស្តុបម្ខាង កាលពីវេលាម៉ោង១០ និង១០នាទីព្រឹក ថ្ងៃទី១១ ខែមិថុនា ឆ្នាំ២០១៩ នៅលើផ្លូវជាតិលេខ៤ ភូមិអូរដឹម សង្កាត់ចោមចៅ៣ ខណ្ឌពោធិសែនជ័យ ។
តាមប្រភពនៅកន្លែងកើតហេតុ បានឲ្យដឹងថា មុនកើតហេតុ រថយន្តរងគ្រោះ ម៉ាកឡិចស៊ីស ៥៧០ សេរី២០១៩ ពណ៌ខ្មៅ ពាក់ស្លាកលេខ ភ្នំពេញ 2AZ-2068 បើកលើផ្លូវជាតិលេខ៤ ពីកើតទៅលិច លុះដល់ចំណុចខាងលើ រថយន្តម៉ាកហ៊ីយ៉ាន់ដាយ ពណ៌ស ពាក់ស្លាកលេខ ព្រៃវែង 3A-0310 ដឹកគ្រឿងចក្រ អាប៊ុល បើកពីកើតទៅលិចស្របទិសគ្នា ជែងរថយន្តមួយគ្រឿងខាងមុខ ហើយជ្រុលទៅបុកប៉ះរថយន្តឡិចស៊ីស ៥៧០ពីក្រោយ ។
ក្រោយកើតហេតុ គ្រាន់តែសាកសួរទៅក្រុមហ៊ុន វាយតម្លៃ ជួសជុលឡើងវិញ ១៦០០០ដុល្លារ មានតែប្រគល់ឲ្យសមត្ថកិច្ចជំនាញចុះទៅពិនិត្យ និងយកទៅរក្សាទុកជាបណ្តោះអាសន្នរង់ចាំដោះស្រាយជាក្រោយ ៕ សុខាសែនជ័យ
