ព័ត៌មានទាន់ហេតុការណ៍៖

នគរបាលប៉ុស្តិ៍រដ្ឋបាលឃ្មួញ ឃាត់ខ្លួនជនសង្ស័យម្នាក់ ករណីចេញសែកគ្មានទឹកប្រាក់ ចំនួន ១៨.២៤០ ដុល្លារ

ចែករំលែក៖

ភ្នំពេញ៖ ជនសង្ស័យម្នាក់ ត្រូវកម្លាំងនគរបាលប៉ុស្តិ៍រដ្ឋបាលឃ្មួញឃាត់ខ្លួនករណីចេញសែក គ្មានទឹកប្រាក់ចំនួន ១៨.២៤០ដុល្លារកាលពីវេលាម៉ោង២០ និង០០នាទីថ្ងៃទី១២ ខែមិថុនា ឆ្នាំ២០១៩ នៅចំណុច ផ្ទះលេខ១៤០៦ ផ្លូវបេតុង ភូមិអន្លង់ក្ងាន សង្កាត់ឃ្មួញ ខណ្ឌសែនសុខ ។

ជនសង្ស័យឈ្មោះ សួង ស៊ីន ភេទប្រុស អាយុ២៩ឆ្នាំ ជនជាតិខ្មែរ មុខរបរម៉ៅការសំណង់ ស្នាក់នៅផ្ទះជួល ផ្លូវបេតុង សង្កាត់ជ្រោយចង្វា ខណ្ឌជ្រោយចង្វា (គ្មានសារធាតុញៀន) ។ ចំណែកជនរងគ្រោះ ឈ្មោះ ហ៊ន ឡេង ភេទប្រុស អាយុ២៧ឆ្នាំ ជនជាតិខ្មែរ មុខរបរបុគ្គលិកក្រុមហ៊ុនដ្រេហ្គនស៊ីធីខនគ្រីត ស្នាក់នៅបន្ទប់ជួល ផ្លូវបេតុង ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ ។

សម្ភារបាត់បង់ ៖ លុយដុល្លារចំនួន១៨.២៤០ដុល្លារ ។

យោងតាមរបាយការណ៍របស់សមត្ថកិច្ចបានឲ្យដឹងថា នៅមុនពេលកើតហេតុថ្ងៃទី៣០ ខែមិថុនា ឆ្នាំ២០១៩ វេលាម៉ោង១៣ និង០០នាទី ជនសង្ស័យខាងលើ បានមកទំនាក់ទំនងនៅក្រុមហ៊ុនដ្រេហ្គនស៊ីធីខនគ្រីត ដើម្បីយកបេតុងលាយស្រេចទៅលក់បន្ត តែមិនទាន់ទូរទាត់សាចប្រាក់ឲ្យក្រុមហ៊ុន សរុបជាទឹកប្រាក់ចំនួន១៨.២៤០ដុល្លារ បន្ទាប់មកជនសង្ស័យបានចេញសែកធនាគារស្ថាបនា ឲ្យទៅក្រុមហ៊ុន លុះដល់ថ្ងៃកំណត់ ភាគីក្រុមហ៊ុន បានយកសែកទៅបើកប្រាក់នៅធនាគារស្ថាបនា តែត្រូវបុគ្គលិកធនាគារប្រាប់មកជនរងគ្រោះវិញថា សែកនេះពុំមានសាច់ប្រាក់នៅក្នុងកុងធនាគារទេ ។ លុះនៅថ្ងៃទី១២ ខែមិថុនា ឆ្នាំ២០១៩ បន្ទាប់មកជនរងគ្រោះ បានទំនាក់ទំនង់ទៅជនសង្ស័យឲ្យមកដោះស្រាយលុយជំពាក់ក្រុមហ៊ុន ជនរងគ្រោះឃាត់ខ្លួនជនសង្ស័យប្រគល់ឲ្យនគរបាលអធិការដ្ឋានខណ្ឌសែនសុខតែម្តង ។

បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធី ៕ តុង សីហា


ចែករំលែក៖