សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានស្លាប់ភ្លាមៗនៅកន្លែងកើតហេតុ ខណៈកំពុងតែជិះម៉ូតូមួយគ្រឿង ត្រូវរថយន្ត HYUNDAI បើកបុកពីក្រោយពេញទំហឹង តាមបណ្តោយផ្លូវវិមានឈ្នះ ឈ្នះ ។
ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីថ្ងៃពុធ ១១កើត ខែជេស្ឋ ឆ្នាំកុរ ព.ស ២៥៦២៣ ត្រូវនឹងថ្ងៃទី១៥ ខែមិថុនា ឆ្នាំ២០១៩ វេលាម៉ោង ១៦ និង៤៥នាទី ត្រង់ចំណុចមុខផ្ទះឈ្មោះ អឹង ហ៊ីហ័ង លើមហាវិថីឈ្នះៗ ភូមិផ្សារលិច សង្កាត់ព្រែកព្នៅ ខណ្ឌព្រែកព្នៅ ។
ជនរងគ្រោះដែលស្លាប់មិនទាន់ស្គាល់អត្តសញ្ញាណនៅឡើយទេ ជិះម៉ូតូមួយគ្រឿងម៉ាក HONDA C125 ពណ៌ខ្មៅ ពាក់ស្លាកលេខ កំពង់ចាម1N-8111 ធ្វើដំណើរក្នុងទិសដៅកើតទៅលិច ។ ជនរងគ្រោះស្លាប់នៅកន្លែងកើតហេតុ មិនទាន់ស្គាល់អត្តសញ្ញាណ ។
សមត្ថកិច្ចបានឲ្យដឹងថា ជនបង្ក ឈ្មោះ ស៊ឹម ឧត្តម ភេទប្រុស អាយុ២៣ឆ្នាំស្នាក់នៅភូមិស្វាយដង្គំ ឃុំស្គុស ស្រុកសំរោងទង ខេត្តកំពង់ស្ពឺ(សមត្ថកិច្ចឃាត់ខ្លួននៅកន្លែងកើតហេតុ ) ។ សមត្ថកិច្ចបន្តថា រថយន្តបង្កម៉ាក HYUNDAI ពណ៌បៃតង ពាក់ស្លាកលេខ ភ្នំពេញ3E-4805 ធ្វើដំណើរលើមហាវិថីឈ្នះៗក្នុងទិសដៅពីកើតទៅលិចស្របទិសដៅគ្នាតាមបណ្តោយផ្លូវវិមានឈ្នះ ឈ្នះពេលមកដលកន្លែងកើតហេតុដោយបើកបរខ្វះការប្រុងប្រយ័ត្ន បានជ្រុលបុកម៉ូតូពីក្រោយពេញទំហឹងបណ្តាលឲ្យអ្នកបើកម៉ូតូដួលផ្ទប់ និងផ្លូវស្លាប់តែម្តងនៅកន្លែងកើតហេតុ ។
ក្រោយពេលកើតហេតុ រថយន្តបង្ក និងម៉ូតូរងគ្រោះត្រូវបានកម្លាំងនគរបាលមូលដ្ឋានប្រគល់ឲ្យនគរការិយាល័យចរាចរណ៍ផ្លូវគោកវាស់វែងយកទាំងរថយន្ត និងម៉ូតូទៅរក្សាទុករង់ចាំដោះស្រាយគ្នានៅពេលក្រោយ ចំណែកសាសពជនរងគ្រោះត្រូវបានប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណីផងដែរ ៕ ធឿនព្រែកជ័យ
