សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ នៅរសៀល ម៉ោង១២:៣០នាទី ថ្ងៃទី១៣ ខែមិថុនា ឆ្នាំ២០១៩ សមត្ថកិច្ចនគរបាលស្រុកស្ទឹងហាវ ដឹកនាំដោយលោកវរសេនីយ៍ឯក រស់ កី អធិការនគរបាលស្រុកស្វឹងហាវ ដឹកនាំកម្លាំងក្រោមឱវាទ សហការជាមួយសមត្ថកិច្ចពាក់ព័ន្ធ បានបង្រ្កាបបទល្មើសគ្រឿងញៀន១ករណី ស្ថិតនៅក្រុមទី១៣ ភូមិ៤ ឃុំទំនប់រលក ស្រុកស្ទឹងហាវ ខេត្តព្រះសីហនុ ដោយឃាត់ខ្លួនជនសង្ស័យប្រុស ស្រីចំនួន២នាក់៖
ជនសង្ស័យឈ្មោះ ឆៃ សុវណ្ណារ៉ា ភេទប្រុសអាយុ២៩ឆ្នាំ មានទីលំនៅសង្កាត់លេខ១ ក្រុងព្រះសីហនុ ខេត្តព្រះសីហនុ និងឈ្មោះ ម៉េត សុភណ្ឌ័ ភេទស្រី អាយុ២៧ឆ្នាំ មានទីលំនៅ សង្កាត់លេខ១ ក្រុងព្រះសីហនុ ខេត្តព្រះសីហនុ ។ វត្ថុតាងមាន៖ ម្សៅក្រោមព៌ណសថ្លាសង្ស័យ ជាសារធាតុញៀន ចំនួន២កញ្ចប់ធំ, កញ្ឆារ ១ កញ្ចប់តូច និងឧបករណ៍សម្រាប់ប្រើប្រាស់ជក់គ្រឿងញៀន មួយចំនួន ។
លោករស់ កី អធិការនគរបាលស្រុកស្ទឹងហាវបានបញ្ជាក់ថា៖ ជនទាំងពីរនាក់ គឺជាមុខសញ្ញាចែកចាយគ្រឿងញៀន ផ្ទាល់តែម្តង ។ បច្ចុប្បន្នសមត្តកិច្ចកំពុងកសាងសំណុំរឿងបញ្ចូនទៅសាលាដំបូងខេត្តចាត់ការតាមច្បាប់ ៕ ឆ្លាម សមុទ្រ
