សារព័ត៌មាន នគរវត្ត តែងតែនាំមុខគេជានិច្ច
ខេត្តត្បូងឃ្មុំ ៖ ពលរដ្ឋបានរាយការណ៍ថា ប្រទះឃើញសាកសពដេកស្លាប់នៅចំណុចវាលស្រែស្ថិតនៅភូមិជ្រួយ សង្កាត់វិហារលួង ក្រុងសួង ខេត្តត្បូងឃ្មុំ ។
ពលរដ្ឋបន្តថា ប្រទះឃើញនៅថ្ងៃទី១៥ ខែ មិថុនា ឆ្នាំ២០១៩ វេលាម៉ោង១០ ។ សាកសពជាបុរស ស្លៀកខោជើងខ្លីសាច់គគីរ ពាក់អាវដៃវែង ពណ៌ទឹកបុិចចាស់ អាយុប្រហែល៤០ ឆ្នាំ មិនស្គាល់អត្តសញ្ញាណ ដេកស្លាប់នៅចំណុចវាលស្រែ ស្ថិតនៅភូមិជ្រួយ សង្កាត់វិហាលួង ក្រុងសួង ខេត្តត្បូងឃ្មុំ ។
ក្រោយទទួលបានពត័មាននេះ កម្លាំងជំនាញ នៃអធិការដ្ឋាននគរបាល ក្រុងសួង សហការជា មួយកម្លាំងប៉ុស្តិ៍នគរបាលរដ្ឋបាល សង្កាត់ វិហារលួង និង ជំនាញការិយាល័យបច្ចេក ទេសនៃស្នងការដ្ឋាននគរបាល ខេត្តត្បូងឃ្មុំ និងគ្រូពេទ្យជំនាញ បានចុះទៅដល់កន្លែងកើតហេតុពិនិត្យលើសាកសព (ពុំមានស្លាកស្នាមអ្វីទេ) សាកសពមានសភាពស្អុយ ស្លាប់រយះពេល២ ទៅ៣ ថ្ងៃហើយ និងមានដបទឹកសុទ្ធក្នុងដបមានទឹក ពណ៌ស នៅក្បែរសាកសព ។ សាកសពខាងលើពុំទាន់រកឃើញអត្តសញ្ញាណទេ ។
បច្ចុប្បន្ន សពយកទៅរក្សាទុកនៅឈាប្បន ដ្ឋាន វត្ដវិហារទន្ទឹម៕ វណ្ណៈ
