រថយន្តដឹកភេសជ្ជៈគោជល់ រេចង្កូតឡើងលើសួនច្បារ ហើយក្រឡាប់ផ្ងារជើង ខូចខាតយ៉ាងដំណំ

ភ្នំពេញ៖ រថយន្តដឹកទំនិញភេសជ្ជៈគោជល់មួយគ្រឿង បើកមិនប្រយ័ត្នរេចង្កូតក្រឡាប់ផ្ងារជើងយ៉ាងច្រងេងច្រងាង តែមិនបណ្តាលឲ្យមាននរណា ម្នាក់របួសនោះទេ ។ ​ ហេតុការណ៍នេះ បានកើតឡើងកាលពីវេលាម៉ោង០២និង០០នាទីរសៀល នៅថ្ងៃទី២១ ខែមិថុនា ឆ្នាំ២០១៩ នៅតាមបណ្តោយផ្លូវ៥០ម៉ែត្រ ភូមិប្រការ សង្កាត់ព្រៃសរ ខណ្ឌដង្កោ រាជធានីភ្នំពេញ ។

យោងតាមប្រភពបានឲ្យដឹងថា មុនពេលកើតហេតុគេបានឃើញរថយន្ដកូរ៉េដឹកទំនិញមួយគ្រឿងពណ៌ស ដែលមានស្លាកលេខ ភ្នំពេញ 3C-8026 បើកបរដោយបុរសម្នាក់ ក្នុងទិសដៅពីជើងមកត្បូងក្នុងល្បឿនលឿន ខណៈដល់ចំណុចកើតហេតុ បើកមិនប្រយ័ត្ន ក៏បានរេចង្កូតទៅឡើងលើសួនផ្លូវបណ្ដាលឲ្យបណ្តាលរថយន្តក្រឡាបផ្ងារជើងមួយចំហៀង និងធ្វើឲ្យរងការខូចខាតកូនឈើចំនួន៣ដើម ក្នុងករណីខាងលើនេះគ្មានអ្នករងរបួសទេ ។

សមត្ថកិច្ចជំនាញចរាចរណ៍ខណ្ឌដង្កោវាស់វែងយករថយន្តបង្កទៅរក្សាទុក រង់ចាំក្រុមហ៊ុនភេសជ្ជៈគោជល់មកដោះស្រាយទៅតាមផ្លូវច្បាប់ ៕ ភារ៉ា ដង្កោ