សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តអូសទូកុងតៃន័រមួយគ្រឿង បើកលឿនបុករថយន្ត តាកូមាពីចំហៀង រុញផ្ទប់នឹងទ្រូងផ្លូវរលំអស់មួយផ្ទាំងរថយន្តបង្កបើកគេចទៅបាត់កាលពីវេលាម៉ោង ១១ និង៣០នាទីយប់ ថ្ងៃទី២២ ខែមិថុនា ឆ្នាំ២០១៩ នៅលើផ្លូវជាតិលេខ៤ ភូមិជម្ពូវ័ន សង្កាត់ចោមចៅ៣ ខណ្ឌពោធិ៍សែនជ័យ ។
ប្រភពបានឲ្យដឹងថា នៅមុនកើតហេតុ ខណៈមេឃកំពុងធ្លាក់ភ្លៀងខ្លាំង ឃើញបុរសម្នាក់បានបើករថយន្តមួយគ្រឿងម៉ាក តាកូមា ពណ៌ ស្ករ ពាក់ស្លាកលេខ កំពត2A-1624 បើកក្នុងទិសដៅពីលិចទៅកើត ខណៈមកដល់ចំណុចខាងលើ ស្រាប់តែមានរថយន្តអូសទូកុងតៃន័រ បើកមកពីក្រោយបុក និងកៀររថយន្តតាកូមារុញផ្ទប់នឹងទ្រូងផ្លូវបណ្តាលឲ្យរលំអស់មួយផ្ទាំង ក្រោយពីបុកហើយរថយន្តបង្កបានបើបន្ថែមល្បឿនទៅមុខបាត់ស្រមោលតែម្តង ។
ក្រោយកើតហេតុ រថយន្តខាងលើត្រូវ សមត្ថកិច្ចស្ទូចអូសយកទៅរក្សាទុក នៅការិយាល័យចរាចរណ៍ជើងគោករាជធានីភ្នំពេញ រង់ចាំដោះស្រាយផលប៉ះពាល់ពេលក្រោយ ៕ សុខាសែនជ័យ
