សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ កម្លាំងនគរបាលប៉ុស្តិ៍ ផ្សារដើមគរ សហការជាមួយ ជនរងគ្រោះនៅម៉ោង៦និង៥០នាទីព្រឹក ថ្ងៃទី២៣ ខែមិថុនា ឆ្នាំ២០១៩ បានឃាត់ខ្លួនជនស្ស័យម្នាក់ពីបទ លួច (លួចម៉ូតូរឺម៉កកង់បី រឺម៉ករាងកុងទីន័រសំរាប់ដឹកទឹកកក) នៅចំណុចមុខផ្ទះសំណាក់ស្រែលាភ ផ្លូវR8 ក្រុមទី១០៩ ភូមិ២៣ សង្កាត់បឹងកក់ទី២ ខណ្ឌទួលគោក ។
ជនសង្ស័យឈ្មោះ សុខ ពែក ហៅ ពែក អាយុ៣៥ឆ្នាំ ជនជាតិខ្មែរមុខរបរមិនពិតប្រាកដ ស្នាក់នៅផ្ទះជួលមិនចាំលេខ ផ្លូវរថភ្លើង (ម្តុំក្តាន់ពីរ)សង្កាត់ស្រះចក ខណ្ឌដូនពេញ ។
សមត្ថកិច្ចបានឲ្យដឹងថា ជនសង្ស័យបានធ្វើសកម្មភាពនៅថ្ងៃទី២៣ ខែមិថុនា ឆ្នាំ២០១៩ ម៉ោង ៥ទៀបភ្លឺ នៅមុខផ្ទះលេខ៣៧ ផ្លូវលេខ២៣០ ក្រុមទី៤៩ ភូមិ១៣ សង្កាត់ផ្សារដើមគរ ខណ្ឌទួលគោក ។
ក្រោយពេលឃាត់ខ្លួនសមត្ថកិច្ច បានយកទឹកនោមជនសង្ស័យទៅធ្វើតេស្តស្វែងរកសារធាតុញៀន ជាលទ្ធផល វិជ្ជមាន (មានសារធាតុញៀន) ចំណែកវត្ថុតាងចាប់យករួមមាន ៖ ម៉ូតូរឺម៉កកង់បី មានសណ្តោងកន្ទុយ រាងជាកុងទីន័រសំរាប់ដឹកទឹកកចំនួន០១គ្រឿង, ក្រាមពណ៌សថ្លា សង្ស័យជាគ្រឿងចំនួន០១ថង់តូច ។
បច្ចុប្បន្នជនសង្ស័យឈ្មោះ សុខ ពែក ហៅពែក កំពុងឃាត់ខ្លួនជាបណ្តោះអាសន្ននៅអធិការដ្ឋាននគរបាលខណ្ឌទួលគោកដើម្បីសាកសួរនិងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមផ្លូវច្បាប់ ៕ ជ្រោយពេជ្រ
