សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប៖ ឆេះបន្ទប់ដាក់សម្ភារ២បន្ទប់នៅចំណុច អ៊ិចអូ ចាស់ បច្ចុប្បន្នជាខារ៉ាអូខេ កាឡាស៊ីថ្មី នៅវេលាម៉ោង១១:៣០នាទី ថ្ងៃទី០៣ ខែកក្កដា ឆ្នាំ២០១៩ ក្នុងភូមិដកពោធិ សង្កាត់ស្លក្រាម ក្រុងសៀមរាប ។
ម្ចាស់ដីឈ្មោះលឹម ជុង ភេទប្រុស អាយុ៧៨ឆ្នាំ រស់នៅភូមិស្លក្រាម ក្រុងសៀមរាប មុខរបរនៅផ្ទះ បានជួលឲ្យម្ចាស់ ខារ៉ាអូខេ ថ្មី ឈ្មោះ គួច សេងហេង អាយុ៥៣ ឆ្នាំ នៅភូមិកៀនឃ្លាំង រាជធានីភ្នំពេញ ។
សមត្ថកិច្ចបានឲ្យដឹងថា មូលហេតុ កែបន្ទប់រៀបចំប្រពន្ទ័ភ្លើងសារថ្មីបណ្តាលឲ្យផ្ទុះសេខ្សែភ្លើងតែមិនបណ្តាលឲ្យគ្រោះថ្នាក់ដល់មនុស្សឡើយ ។ ការខូចខាត សម្ភារ ដូចជា គ្រែ ពូកចាស់ៗនៅក្នុងបន្ទប់អស់ទាំងស្រុង ។
សមត្ថកិច្ចបានឲ្យដឹងថា ប្រើរថយន្ដទឹកកងរាជអាវុធចំនួន៤គ្រឿងប្រើទឹកអស់១២ រថយន្ដ និងរថយន្ដស្នងការនគរបាល២គ្រឿង ប្រើទឹកអស់ ៤រថយន្ដ ទើបរលត់ទាំងស្រុងនៅម៉ោង១៤ និង ១៥នាទី ថ្ងៃទី៣ ខែ កក្កដា ឆ្នាំ២០១៩ ៕ ប៊ុនរិទ្ធី
