សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ត្រូវកម្លាំងសមត្ថកិច្ចខណ្ឌសែនសុខ បានឃាត់ខ្លួនករណីលួចមានស្ថានទម្ងន់ទោស (ឆក់ទូរសព្ទ័ដៃ)ពីនារីម្នាក់បានសម្រេចបើករត់មិនរួច ។ ហេតុការណ៍នេះបានកើតឡើងកាលពីម៉ោង ១២ និង៤០នាទីថ្ងៃទី១៤ កក្កដា ឆ្នាំ ២០១៩ នៅចំណុចតាមផ្លូវលេខ១៩២៨ ភូមិត្រពាំងស្វាយ សង្កាត់គោកឃ្លាង ខណ្ឌសែនសុខ ។
សមត្ថកិច្ចបានឲ្យដឹងថា ជនសង្ស័យ ឈ្មោះ ប៊យ តុលា អាយុ១៩ ឆ្នាំ ជនជាតិខ្មែរ មុខរបររត់ម៉ូតូកង់បី ស្នាក់នៅផ្ទះជួល ផ្លូវបេតុង ភូមិដីថ្មី សង្កាត់គោកឃ្លាង ខណ្ឌសែនសុខ (មានសារធាតុញៀន) ។ ចំណែកជនរងគ្រោះ ឈ្មោះ សំណាង ពុទ្ធារិន អាយុ១៨ ឆ្នាំ ជនជាតិខ្មែរ មុខរបរនៅផ្ទះ ស្នាក់នៅភូមិវិមានទ្រុង សង្កាត់ក្រាំងធ្នង់ ខណ្ឌសែនសុខ ។
ប្រភពព័ត៌មានពីសមត្ថកិច្ចបានឲ្យដឹងថា មុនពេលកើរហេតុ ជនរងគ្រោះ កំពុងជិះម៉ូតូម្នាក់ឯង (និយាយទូរស័ព្ទ) តាមផ្លូវលេ១៩២៨ ខណៈមកដល់ចំណុចកើតហេតុ ស្រាប់តែមានជនសង្ស័យម្នាក់ បើកម៉ូតូ០១គ្រឿងមកជិតជនរងគ្រោះ រួចធ្វើសកម្មភាពឆក់យកទូរសព្ទ័ដៃពីជនរងគ្រោះ បណ្តាលឲ្យដួលម៉ូតូទាំងពីរគ្រឿង ភ្លាមនោះកម្លាំងល្បាតឃើញហេតុការណ៍ បានដេញឃាត់ខ្លួនជនសង្ស័យបាននាំខ្លួន មកសាកសួរនៅអធិការដ្ឋាននគរបាលខណ្ឌសែនសុខ ។
សមត្ថកិច្ចបន្តថាសនម្ភារដកហូតពីជនសង្ស័យរួមមានទូរស័ព្ទដៃ០១គ្រឿងម៉ាក OPOP ប្រគល់ឲ្យជនរងគ្រោះវិញ និងម៉ូតូ០១គ្រឿងម៉ាក សេ១១០ ពណ៌ខ្មៅ ផលិត ឆ្នាំ២០១២ ពាក់ស្លាកលេខ ភ្នំពេញ 1BI-4446(របស់ជនសង្ស័យ ) ។
បច្ចុប្បន្ន ជនសង្ស័យកំពុងឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌសែនសុខ ដើម្បីចាត់ការបន្តតាមនីតិវិធី ៕ ជ្រោយពេជ្រ
