សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ គូស្នេហ៍មួយគូជាជនជាតិចិន បានបណ្តើរគ្នាតាមផ្លូវ ត្រូវបានសង្ស័យជិះម៉ូតូ ធ្វើសកម្មភាពឆក់កាបូបស្ពាយមិនបានសម្រេចត្រូវបានស្ត្រីរងគ្រោះទាញកាមកវិញ បណ្តាលឲ្យដួល និងឃាត់ខ្លួនបានម្នាក់ប្រគល់ឲ្យអាវុធហត្ថ ខណ្ឌ៧មករាយកទៅសួរនាំចំណែកម្នាក់ទៀតបានរត់គេចខ្លួនបាត់ស្រមោលផងដែរ ។
ហេតុការណ៍នេះបានកើតឡើងកាលពីវេលាម៉ោងរំលងអធ្រាត្រ ឈានចូលថ្ងៃទី១៦ ខែកក្កដា ឆ្នាំ២០១៩ នៅតាមណ្តោយផ្លូវលេខ២៤២កែងផ្លូវលេខ១១៣ចំណុចម្តុំគីរីរម្យ ស្ថិតនៅក្នុងសង្កាត់បឹងព្រលឹត ខណ្ឌ៧មករា ។
ជនសង្ស័យដែលធ្វើសកម្មភាពឆក់មានឈ្មោះសុខ វិសាល ភេទប្រុស អាយុ១៦ឆ្នាំ ស្នាក់នៅម្តុំទួលគោក ។
តាមប្រភពព័ត៌មានពីសមត្ថកិច្ចបានឲ្យដឹងថា មុនពេលកើតហេតុ គេបានឃើញជនរងគ្រោះចំនួន២នាក់ ជាជនជាតិចិនជាសង្សារនឹងគ្នា បានដើរស្ពាយកាបូបតាមបណ្តោយផ្លូវ២៤២ ក្នុងទិសដៅពីលិចទៅកើត ក៏ស្រាប់តែលេចមុខជនសង្ស័យម្នាក់បានជិះម៉ូតូមួយគ្រឿងម៉ាកហុងដាBiG ពណ៌ខៀវ ពាក់ស្លាកលេខ ភ្នំពេញ 1HF-5801 បើកបរតាមបណ្តោយផ្លូវ២៤២ក្នុងទិសដៅស្របទិសគ្នាជាមួយជនរងគ្រោះធ្វើសកម្មភាពឆក់កាបូបស្ពាយ ប៉ុន្តែអត់បានសម្រេចដោយសារតែជនរងគ្រោះគាត់ទាញត្រឡប់មកវិញ ទើបបណ្តាលឲ្យជនសង្ស័យដួលម៉ូតូហើយត្រូវបានប្រជាពលរដ្ឋនាំគ្នាវាយមួយដៃមួយជើងបណ្តាលឲ្យរងរបួសយ៉ាងដំណំភ្លាមៗនោះដែរ អាវុធហត្ថ ខណ្ឌ៧មករាបានមកដល់កន្លែងកើតហេតុហើយមានកម្លាំងសមត្ថកិច្ចចុះមកអន្តរាគមន៍ដូចគ្នា ប៉ុន្តែក៏សមត្ថកិច្ចប្រគល់ទៅឲ្យខាងអាវុធហត្ថ ខណ្ឌ៧មករាតែម្តង ។
ក្រោយពេលកើតហេតុជនសង្ស័យខាងលើនេះ បានដាក់ពាក្យបណ្តឹងនៅអាវុធហត្ថដើម្បីឲ្យសមត្ថកិច្ចកសាងសំណុំរឿង បញ្ជូនខ្លួនទៅតុលាការដើម្បីចាត់ការទៅតាមច្បាប់ ៕ ធឿនព្រែកជ័យ
