សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ មន្ទីរសាធារណការរាជធានីសម្រេចបិទទ្រូងផ្លូវមហាវិថីសហព័ន្ធរុស្ស៊ី ខាងលិចសួនកុមារពោធិ៍ចិនតុង ស្ថិតក្នុងសង្កាត់កាកាបទី១ ខណ្ឌពោធិ៍សែនជ័យ ដើម្បីសម្រួលលំហូរចរាចរណ៍មហាវិថីសហព័ន្ធរុស្ស៊ីឲ្យបានល្អប្រសើរ ។
គេសង្កេតឃើញថា កន្លងមកត្រង់ចំណុចមុខសួនកុមារហូតទៅដល់ស្តុប២០០៤ ស្ថិតក្នុងសង្កាត់កាកាបទី១ ខណ្ឌពោធិ៍សែនជ័យ ស្ទើតែរៀងរាល់ថ្ងៃ តែងតែមានកាកកស្ទះចរាចរណ៍ជាញឹកញាប់ ក្នុងនោះផងដែរ គេឃើញមានកម្លាំងចរាចរណ៍ខណ្ឌពោធិ៍សែនជ័យចុះមកសម្រួលគ្រប់ពេល ។
បើតាមការបង្ហើបពីកម្លាំងចរាចរណ៍បានឲ្យដឹងថា ការកកស្ទះនេះ គឺនៅវេលាម៉ោង១១ព្រឹក និងវេលាល្ងាច ខណៈដែលបងប្អូនប្រជាពលរដ្ឋបានចាកចេញពីកន្លែងធ្វើការរៀងខ្លួន ហើយធ្វើដំណើរទៅផ្ទះ ។
ដោយសារតែចរាចរណ៍មានការកកស្ទះស្ទើរតែរៀងរាល់ថ្ងៃ ទើបមន្ទីរសាធារណការបានសម្រេចបិទទ្រូងផ្លូវមិនឲ្យឆ្លងកាត់ទៀត ដើម្បីសម្រួលលំហរចរាចរណ៍ឲ្យបានប្រសើរ ៕ សុខាសែនជ័យ
