សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ យុវជនជាសិស្សសាលាម្នាក់ រងរបួសបាក់ជើងស្តាំ បន្ទាប់ពីជួបគ្រោះថ្នាក់ចរាចរណ៍ ដែលបង្កឡើងដោយរថយន្តឡិចសុីស ៣០០ បើកលើផ្លូវបញ្ច្រាសទិសដីដៅចរាចរណ៍ ទៅបុកម៉ូតូក្មេងរងគ្រោះ លើផ្លូវអាទិភាព កាលពីវេលាម៉ោង១និង៥០នាទីរសៀល ថ្ងៃទី២ ខែកក្កដា ឆ្នាំ២០១៩ ស្ថិតនៅលើផ្លូវសហព័ន្ធរុស្សី មុខផ្សារសិនជូរី ភូមិតាងួន សង្កាត់កាកាប១ ខណ្ឌពោធិសែនជ័យ ។
តាមប្រភពនៅកន្លែងកើតហេតុបានឲ្យដឹងថា មុនកើតហេតុ យុវជនរងគ្រោះ ជាសិស្សសាលា អាយុ១៧ឆ្នាំ មានទីលំនៅភូមិព្រៃទា សង្កាត់ចោមចៅ៣ ខណ្ឌពោធិសែនជ័យ ជិះម៉ូតូ និច ពណ៌ស ពាក់ស្លាកលេខ ភ្នំពេញ 1HI-5171 ជិះពីលិចទៅកើត ក្នុងបំណងទៅសាលារៀនពោធិចិនតុង លុះមកដល់ចំណុចកើតហេតុ ស្រាប់តែមានរថយន្តឡិចសុីសRX300 ពណ៌ខ្មៅ មិនចាំស្លាកលេខ បើកបរពីកើតទីលិច ដល់ចំណុចខាងលើ ឆ្លងផ្លូវប្តូរគន្លង មកបើកលើផ្លូវបញ្ច្រាសទិសដៅចរាចរណ៍ ទើបជ្រុលមកបុកម៉ូតូជនរងគ្រោះ បណ្តាលឲ្យរងរបួសបាក់ជើងស្តាំភ្លាមៗ រថយន្តបន្ថែមល្បឿន បើកគេចចូល សរសៀតាមផ្សារ សិនជូរី ចេញទៅផ្លូវ២០០៤ បោះពួយ ទៅទិសខាងកើតបាត់ស្រមោល ។
ក្រោយកើតហេតុ ជនរងគ្រោះ ត្រូវបាន ក្រុមគ្រួសារ ប្រជាពលរដ្ឋជួយ ដឹកតាមម៉ូតូកង់បីយកទៅពេទ្យ ៕ សុខាសែនជ័យ
