ង៉ែត សុភ័ក្រ បង្ហាញមុខគូស្នេហ៍

ភ្នំពេញ៖ តារាសម្តែង និងចម្រៀង លោក ង៉ែត សុភ័ក្រ ស្រាប់តែបង្ហាញមុខសង្សារស្រស់សោភាម្នាក់កាលពីថ្មីៗនេះ អមដោយសារផ្អែមល្ហែម ។ ទោះជាយ៉ាងណា តារាប្រុសរូបនេះ បដិសេធមិនបញ្ជាក់អំពីអត្តសញ្ញាណនារីស្រស់សោភារូបនេះ ។

តារាសម្តែង និងចម្រៀង ង៉ែត សុភ័ក្រ ត្រូវបានគេស្គាល់តាមរយៈស្នាដៃបទចម្រៀងមួយចំនួនដូចជាបទ បែកគ្នាទៅបងចេកទេ បទ “វណ្ណៈស្នេហ៍” ជាដើម រួមទាំងការសម្តែងផងដែរ ។ មិនដែលបង្ហើបប្រាប់អ្នកគាំទ្រស្រាប់តែតារាប្រុសរូបនេះបញ្ចេញមុខនារីស្រស់ស្អាតម្នាក់មានរូបសម្រស់មិនចាញ់តារាសម្តែងឡើយ ។ ក្រៅពីបញ្ចេញរូបថតបែបផ្អែមល្ហែម តារាប្រុសរូបនេះក៏បានបញ្ចេញសាផ្អែមល្ហែមខ្លាំងផងដែរ ។ តារាប្រុសរូបនេះលើកឡើងដោយខ្លីថា នារីដែលលោកបានបង្ហោះរូបថត និងសារផ្អែមល្ហែមនោះត្រឹមជាអ្នកជិតដិត និងយល់ចិត្តតែប៉ុណ្ណោះ ។ តារាប្រុសរូបនេះលើកឡើងដែរថា ត្រឹមស្និទ្ធស្នាល និងផ្អែមល្ហែមនៅមិនទាន់កំណត់បាននៅឡើយថាជាមនុស្សពិសេសរបស់លោកនោះដែរ ។ លោកថាការពិតលោក នឹងបញ្ជាក់នៅពេលក្រោយ ហើយប្រសិនបើនារីម្នាក់នោះ ពិតជាគូស្នេហ៍មែនលោក នឹងបញ្ជាក់ជាសាធារណៈផងដែរ ។

គួរបញ្ជាក់ដែរថា ង៉ែត សុភ័ក្រ ទើប នឹងបញ្ចេញស្នាដៃសម្តែង និងបទចម្រៀងថ្មីៗមួយចំនួនបន្តបន្ទាប់ ។ បើទោះបីជាមិនទាន់ដល់កម្រិតខ្ពស់ក្តី ក៏តារាប្រុសរូបនេះ ទទួលបានការកោតសរសើរខ្លាំង និងទេពកោសល្យ និងសមត្ថភាពគួរកត់សម្គាល់ ៕ វឌ្ឍនា