រថយន្តបែន និងរថយន្តដឹកកញ្ចក់បុកប៉ះគ្នានៅគល់ស្ពានស្ទឹងឆាយ​ស្លាប់ម្នាក់

ខេត្តព្រះសីហនុ៖ មានគ្រោះថ្នាក់ចរាចរណ៍រថយន្តបែន និងរថយន្តដឹកកញ្ចក់បុកប៉ះគ្នានៅគល់ស្ពានស្ទឹងឆាយ ក្នុងស្រុកកំពង់សីលា ខេត្តព្រះសីហនុ វេលាម៉ោង១០កន្លះយប់ ថ្ងៃទី៣ ខែសីហា ឆ្នាំ២០១៩នេះ ក្នុងទិសដៅបញ្ច្រាសគ្នា ។

បើតាមពលរដ្ឋអ្នកឃើញហេតុការណ៍បញ្ជាក់ថា អ្នកបើកបររថយន្តដឹកកញ្ចក់ រងរបួសធ្ងន់ធ្ងរបំផុត គៀបជាប់ក្នុងរថយន្ត ហើយភ្លាមៗបងប្អូនពលរដ្ឋបាព្យាយាមជួយគាស់ យកជនរងគ្រោះចេញពីរថយន្ត ក្នុងបំណងនាំទៅរកការសង្គ្រោះ ប៉ុន្តែក្រោយមក ជនរងគ្រោះបានស្លាប់បាត់ទៅហើយ ។

ចំណែកអ្នកបើកបររថយន្តបែន ពលរដ្ឋអះអាងថាបានរត់គេចខ្លួនក្រោយពេលកើតហេតុ ៕