នគរបាលប៉ុស្តិ៍បឹងកក់២ ឃាត់ខ្លួនជនសង្ស័យម្នាក់ ខណៈកំពុងធ្វើសកម្មភាពកាច់កម៉ូតូជិតបានសម្រេច

ភ្នំពេញ ៖ ជនសង្ស័យម្នាក់ត្រូវកម្លាំងនគរបាលប៉ុស្តិ៍បឹងកក់២ ឃាត់ខ្លួនខណៈកំពុងធ្វើសកម្មភាពកាច់កម៉ូតូជិតបានសម្រេច នៅវេលាម៉ោង១២និង៤០នាទីរសៀល ថ្ងៃទី៦ ខែសីហា ឆ្នាំ២០១៩ ស្ថិតនៅចំណុចមុខផ្ទះលេខ២០ ផ្លូវ៥៧៨ ក្នុងសង្កាត់បឹងកក់២ ខណ្ឌទួលគោក រាជធានីភ្នំពេញ ។

ជនសង្ស័យមានឈ្មោះ ឆៃ លីហេង ភេទប្រុស អាយុ១៧ឆ្នាំ ស្នាក់នៅមិនពិតប្រាកដ រីឯជនរងគ្រោះមិនទាន់ស្គាល់អត្តសញ្ញាណ ម្ចាស់ម៉ូតូម៉ាកឌ្រីមសង់សេ១២៥ ពណ៌ខ្មៅ ពាក់ស្លាកលេខ ព្រៃវែង 1I-3093 ។

តាមប្រភពព័ត៌មានពីនគរបាលប៉ុស្ដិ៍បឹងកក់២បានឱ្យដឹងថា នៅមុនពេលកើតហេតុ កម្លាំងនគរបាលប៉ុស្តិ៍បានធ្វើការល្បាតតាមមូលដ្ឋាន ក៏ប្រទះឃើញជនសង្ស័យ កំពុងធ្វើសកម្មភាពកាច់កម៉ូតូខាងលើ ក៏ធ្វើការឃាត់ខ្លួនជាមួយវត្ថតាង យកមកសួរនាំនៅប៉ុស្តិ៍ និងបញ្ជូនខ្លួនបន្តទៅអធិការនគរបាលខណ្ឌទួលគោក ដើម្បីចាត់ការតាមនីតិវិធីច្បាប់៕ ស រស្មី