សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនជាតិចិនម្នាក់ទំនងជាស្រវឹងស្រាបើករថយន្តជ្រុលទៅបុកក្បាលនាគចែកពុះចែកទ្រូងផ្លូវពេញទំហឹង បណ្ដាលឲ្យបាក់១កង់ តែសំណាងល្អ មិនបង្កឲ្យនរណាម្នាក់រងរបួសនោះទេ ។
ហេតុការណ៍នេះ បានកើតឡើងនៅម៉ោង៣និង២០នាទីទៀបភ្លឺ ថ្ងៃទី១១ ខែសីហា ឆ្នាំ២០១៩ ស្ថិតតាមបណ្ដោយផ្លូវព្រះមុនីវង្ស កែងនឹងផ្លូវលេខផ្លូវ១៨២ ក្នុងសង្កាត់បឹងរាំង ខណ្ឌដូនពេញ រាជធានីភ្នំពេញ។
តាមប្រភពពីកន្លែងកើតហេតុបានឲ្យដឹងថា មុនពេលកើតហេតុ គេឃើញបុរសម្នាក់ជាជនជាតិចិនបើករថយន្តម៉ាកឡិចស៊ីស RX330 ពណ៌សពាក់ស្លាកលេ ភ្នំពេញ 2AQ0211 ធ្វើដំណើរក្នុងទិសដៅពីត្បូងទៅជើងបើកបោះបោះពួយយ៉ាងលឿន ខណ:មកដល់ចំណុចកើតហេតុ បានរេចង្កូតទៅបុកក្បាលនាគពុះចែកទ្រូងផ្លូវពេញទំហឹងបណ្ដាលបាក់១កង់រថយន្តព្យាយាមបើករត់បានប្រមាណ៥០ម៉ែត្រ ទើបទៅមុខលែងរួច ។
បន្ទាប់ពីកើតហេតុសមត្ថកិច្ចមូលដ្ឋានចុះមកដល់ចំណុចកើតហេតុ បានទាក់ទងសមត្ថកិច្ចជំនាញស្ទូចរថយន្តទៅរក្សាទុកនៅការិយាល័យចរាចរផ្លូវគោកស្នងការាជធានីភ្នំពេញរង់ចាំដោះស្រាយនៅពេលក្រោយ ៕ ជ្រោយពេជ្រ
