សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យចំនួន២នាក់បានជិះម៉ូតូឆក់ទូរស័ព្ទពីបុរសម្នាក់ បានសម្រេចហើយព្យាយាមជិះរត់គេចខ្លួន តែត្រូវជនរងគ្រោះស្រែកថាចោរៗផ្អើលប្រជាពលរដ្ឋ និងសមត្ថកិច្ចកំពុងល្បាតឃាត់ជាប់ម្នាក់ចំណែកម្នាក់ទៀតគេចខ្លួនបាត់ ។
ហេតុការណ៍នេះ បានកើតឡើងកាលពីវេលាម៉ោង ២២ និង៣០នាទីថ្ងៃទី ១៥ សីហា ២០១៩ ចំណុចមុខស្ថានីយ៍ប្រេងតេលា ផ្លូវបេតុង ក្រុម៦ ភូមិថ្មគោល២ សង្កាត់ចោមចៅទី២ ខណ្ឌពោធិ៍សែនជ័យ ។
ជនសង្ស័យទី១ឈ្មោះ ហ៊ាង ឆីត ភេទប្រុសអាយុ២០ឆ្នាំ មុខរបរកម្មករ ស្នាក់នៅផ្ទះជួល ភូមិចំការដូង សង្កាត់ដង្កោ ខណ្ឌដង្កោ ។
ជនសង្ស័យទី២ឈ្មោះ ធី ភេទប្រុសអាយុ១៩ឆ្នាំ មុខរបរមិនពិត ស្នាក់នៅផ្ទះជួល សង្កាត់ចតុមុខ ខណ្ឌដូនពេញ (គេចខ្លួន) ។
ជនរងគ្រោះឈ្មោះ តូច សូលីណា ភេទប្រុស អាយុ៤៥ឆ្នាំ មុខរបរបុក្គលិកអង្គការមូលនិធិកុមារ ស្នាក់នៅផ្ទះលេខ១១១ ផ្លូវបេតុង ក្រុមទី៩ ភូមិដំណាក់ធំ៣ សង្កាត់ស្ទឹងមានជ័យទី៣ ខណ្ឌមានជ័យ ។
តាមសម្តីជនរងគ្រោះបានឲ្យដឹងថា មុនពេលកើតហេតុរូបគាត់បានជិះម៉ូតូចេញពភូមិដំណាក់ធំបំណងមកផ្ទះនៅភូមិថ្មគោលខណះមកដល់ចំណុចកើតហេតុស្រាប់តែមានជនសង្ស័យ២នាក់ជិះម៉ូតូមួយគ្រឿងម៉ាក ហុងដាឌ្រីមសង់ប៊ិច សេ១១០ ពណ៌ខ្មៅពាក់ស្លាកលេខ ភ្នំពេញ 1BD-3135 មកពីក្រោយហើយបានធ្វើសកម្មភាពឆក់ទូរស័ព្ទដៃម៉ាក OPPO F7 ពណ៌ក្រហម ដែកកំពុងកាន់នៅនឹងដៃ បានសម្រេចហើយព្យាយាមគេចខ្លួន ។
សាក្សីបន្តថាភ្លាមនោះរូបគាត់បានជិះម៉ូតូដេញតាម និងស្រែកថា ចោរៗបណ្តើរធ្វើឲ្យជនសង្ស័យភ័យផ្តួលម៉ូតូរត់តែត្រូវបានប្រជាពលរដ្ឋ និងសមត្ថកិច្ចអន្តរាគមន៍ឃាត់បានម្នាក់ចំណែកម្នាក់ទៀតយកទូរស័ព្ទគេចខ្លួនបាត់ ។
បច្ចុប្បន្នជនសង្ស័យ រួមបានបញ្ចូនមកកាន់ ផ្នែកជំនាញ នៃអធិការដ្ឋាន នគរបាលខណ្ឌពោធិ៍សែនជ័យ ដើម្បីសួរនាំ និងឃុំខ្លួនជាបណ្តោះអាសន្ន រងចាំឡើងតុលារការចាត់ការតាមនីតិវិធី ៕ សុខាសែនជ័យ
