សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង ៖ មានការភ្ញាក់ផ្អើលទាំងព្រឹក ក្នុងវត្តព្រៃឆ្លាក់ ខណៈមានគរុសិស្សម្នាក់ដេកស្លាប់នៅក្នុងបន្ទប់លើកុដព្រះសង្ឃសង្ស័យខ្យល់គរ ។
ហេតុការណ៍នេះបានកើតឡើងកាលពីវេលាម៉ោងប្រមាណ៧ព្រឹក ថ្ងៃទី២១ ខែសីហា ឆ្នាំ២០១៩ ស្ថិតក្នុងវត្តព្រៃឆ្លាក់ ភូមិព្រៃឆ្លាក់ សង្កាត់ព្រៃឆ្លាក់ ក្រុងស្វាយរៀង ។
បើតាមសមត្ថកិច្ចនគរបាលក្រុងស្វាយរៀងបានឲ្យដឹងថា ជនរងគ្រោះមានឈ្មោះ គង់ និវឌ្ឍ ភេទប្រុស អាយុ២១ឆ្នាំ មានទីលំនៅភូមិតាភរ ឃុំចន្ត្រី ស្រុករមាសហែក មុខរបរជាគរុសិស្សថ្នាក់ទី១២+២A1 ឆ្នាំទី១ ជំនាន់ទី៣៧ នៃសាលាគរុកោសល្យ និងវិក្រិតការខេត្តស្វាយរៀង ។
បើតាមព្រះគ្រូចៅអធិការវត្តព្រៃឆ្លាក់បានមានថេរដិកាថា ជនរងគ្រោះឈ្មោះ គង់ និវឌ្ឍ បានមកស្នាក់នៅក្នុងវត្តព្រៃឆ្លាក់នេះរយៈពេល១ឆ្នាំមកហើយ ដើម្បីរៀនសូត្រនៅសាលាគរុកោសល្យ និងវិក្រិតការខេត្ត ហើយនៅយប់កើតហេតុពេលត្រឡប់មកពីធ្វើការវិញម៉ោងប្រមាណជា១០យប់ បានចូលដេកជាមួយព្រះសង្ឃកូននេនតូចៗ និងកូនសេកលោកមានគ្នា៥នាក់ លុះព្រឹកឡើងម៉ោងជិត៧ព្រឹក ព្រះសង្ឃសាមណេបានតើនឡើង ស្រាប់តែឃើញជនរងគ្រោះដេកជាមួយស្លាប់ក៏នាំគ្នាឆោឡោ និងពិតព្រះគ្រូចៅអធិការតែម្តង ។
សពត្រូវបានសមត្ថកិច្ចប្រគល់ឲ្យក្រុមគ្រួសារយកមកធ្វើបុណ្យនៅស្រុកកំណើតផងដែរ ៕ យឹម សុថាន
