សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យុវជនម្នាក់រួមដំណើរជាមួយគ្នា៤នាក់បានបើករថយន្តស៊េរីទំនើបមួយគ្រឿងយ៉ាងលឿនដូចហោះរួចរេចង្កូតជ្រុលទៅបុក និងដើមឈើមួយដើមហើយ និងបង្គោលភ្លើងបណ្តាលឲ្យបាក់អស់មួយដើមរងការខូចខាត ខ្ទេចអស់មួយកំណាត់ខាងមុខ និងផ្ទុះពោងទាំងសងខាងបណ្តាលឲ្យមានការខូចខាតយ៉ាងដំណំ ។
ហេតុការណ៍នេះ បានកើតឡើងកាលពីវេលាម៉ោង២ និង៣៥នាទី រំលងអធាត្រ ឈានចូលថ្ងៃទី២៧ ខែសីហា ឆ្នាំ២០១៩ នៅតាមបណ្តោយផ្លូវR5 ចំណុចស្តុបបឹងកក់ ស្ថិតនៅក្នុងសង្កាត់ស្រះចក ខណ្ឌដូនពេញ ។
តាមសាក្សីដែលឃើញហេតុការណ៍បានឲ្យដឹងថា មុនពេលកើតហេតុគេបានឃើញយុវជនម្នាក់បានបើករថយន្តមួយគ្រឿងម៉ាកហ្វតស៊េរីទំនើបពណ៌ទឹកប្រាក់មិនចាំស្លាកលេខជិះគ្នាប្រហែលជា3ទៅ4នាក់ បើកក្នុងល្បឿនយ៉ាងលឿន បួងចង្កូតជ្រុលទៅបុក នឹងឃឿនជ្រុលទៅជាមួយដើមឈើរួមទាំងបង្គោលភ្លើងបាក់អស់មួយដើម រីឯរថយន្តបង្កវិញ រងការខូចខាតខ្ទេចអស់មួយកំណាត់ខាងមុខ សំណាងល្អមិនមានអ្នករងរបួស គ្រាន់តែខូចខាតរថយន្តហើយភ្លាមៗនោះដែរ មិត្តភ័ក្តិខាងម្ចាស់រថយន្តបង្កបាននាំគ្នាកាច់ស្លាកលេខរថយន្តខាងក្រោយ និងខាងមុខរួចឡើងជិះរថយន្តមិត្តភ័ក្តិមួយគ្រឿងទៀតរត់គេចខ្លួនបាត់ស្រមោល បន្សល់ទុកនៅតែរថយន្តបង្កនៅ និងកន្លែងកើតហេតុតែប៉ុណ្ណោះ ។
ក្រោយពេលកើតហេតុរថយន្តបង្កត្រូវបានសមត្ថកិច្ច វាស់វែងស្ទូចយកទៅរក្សាទុកនៅការិយាល័យចរាចរណ៍ផ្លូវគោករង់ចាំដោះស្រាយគ្នានៅពេលក្រោយ ៕ ធឿនព្រែកជ័យ
